Participación Coruña

Próximas actividades no Centro Cívico e Social de Novomesoiro

2011-04-18T11:12:00.000+02:00

Boletín de abril do Banco de tempo

2011-04-01T14:59:00.000+02:00

Boletín de marzo do banco de tempo

2011-03-03T12:10:00.000+01:00

INICIO DO SEGUNDO CURSO DE FORMACIÓN EN MEDIACIÓN VECIÑAL

2011-02-11T12:24:00.000+01:00

O pasado día 4 de febreiro deu comezo o segundo curso formativo para a capacitación de mediadores e mediadoras que se incorporarán ao equipo de voluntariado do Programa Convive para a resolución pacífica de conflitos veciñais.

O programa formativo, cunha duración total de 40 horas e unha metodoloxía eminentemente práctica, impártese nas dependencias do Centro de Participación Cidadá do Birloque, finalizando no mes de abril.

Os contidos do curso inclúen temáticas indispensables de abordar no ámbito da mediación: estilos de resolución, dinámica do conflito, comunicación, emocións, aptitudes sociais, interculturalidade ou coñecementos da Ley de Propiedad Horizontal. Todas as sesións son impartidas por profesionais altamente cualificadas e cunha dilatada experiencia neste novidoso campo de actuación.

Un total de 15 persoas farán este segundo curso, subliñando que todas elas son mulleres. Estudantes de dereito, educación social ou psicoloxía e profesionais de diferentes ramas sociais compoñen o alumnado deste grupo que reforzará nos próximos meses o equipo do Programa Convive, posibilitando unha maior flexibilidade e mellor capacidade de atención á cidadanía.

Imaxes do noso Centro do Birloque para a participación cidadá

2011-02-02T13:44:00.004+01:00

Desde este Centro estan a desenvolver programas tan interesantes como o Programa CONVIVE para a mediación veciñal, así como accións formativas dirixidas a asociacións e entidades sen ánimo de lucro. Tamén se atenden numerosas consultas veciñais en relación coa convivencia. A Guía para a convivencia nas comunidades veciñais distribúese desde este Centro. Un gran traballo do noso equipo técnico.

Está ubicado na Avenida Glasgow, 10. O Birloque. 15008. A Coruña
Teléfono: 981 189 869

Boletín de xaneiro do Banco de tempo

2011-01-28T13:59:00.001+01:00

CURSO BÁSICO DE DESEÑO DE PROXECTOS SOCIAIS

2011-01-24T12:36:00.001+01:00

A Concellaría de Igualdade e Participación Cidadá do Concello da Coruña, no seu obxetivo de impulsa-lo tecido asociativo da cidade, ofrece a posibilidade de participar nesta acción formativa, para mellorar a capacitación das persoas que traballan nas asociacións e entidades sen ánimo de lucro da Coruña.

OBXETIVOS DO CURSO:

- Afianzar os conceptos de planificación operativa no contexto da planificación en xeral.

- Asentar a importancia da analise da realidade na definición do proxecto.

- Establecer os elementos básicos da formulación e desenvolvemento do proxecto.

- Fixar criterios para o acceso á financiación de proxectos sociais.

DESTINATARIOS: responsables de asociacions e entidades sen ánimo de lucro.

DATA DE INICIO: 23 de febreiro de 2011, en horario de tarde.

DURACIÓN: 8 horas, repartidas en tres xornadas de traballo consecutivas.

CONTIDOS:

1. O proxecto no contexto dos distintos niveis de planificación:
- a planificación
- a programación

2. O contexto:
- as convocatorias de financiadores
- a análise da realidade

3. A formulación e xestión do proxecto:
- ciclo de vida do proxecto
- metodoloxía: obxetivos, resultados agardados e actividades
- sostenibilidade do proxecto

4. O seguemento e avaliación do proxecto:
- desplegue
- avaliación
- xustificación

COSTE: NINGÚN, É TOTALMENTE GRATUÍTO

ENTREGA DE DIPLOMAS AO ALUMNADO

Na seguinte imaxe deixámosvos a folla de inscrición:

Inicio do novo curso de formación en voluntariado de mediación veciñal

2011-01-21T14:29:00.003+01:00

Pincha na imaxe se estás interesado/a e contacta da forma que che sexa máis cómoda.

Charla/Xornada sobre búsqueda de emprego no Centro Cívico de Eirís

2011-01-18T18:48:00.001+01:00

Desde o Banco do Tempo,e grazas a un dos nosos socios, Felipe García Rei, imos organizar conxuntamente unha charla/xornada sobre procura de emprego e como distinguirnos.

Felipe axudaranos a coñecer cales son as nosas vantaxes, as nosas características para poder sacar todo o noso potencial.

Trátase de coñecernos mellor, ser conscientes das características, que temos cada unha/ou de nós/vos, que nos poden distinguir ante unha oferta de traballo, preparar e afrontar unha entrevista de traballo, coñecer as novas técnicas que se están empregando nas entrevistas persoais, saber onde buscar emprego, como presentarnos....

Ademais tratarase un factor que todas/todos ante unha entrevista ou reunión importante: o medo. Que podemos facer con el ?, Pódenos axudar ?

Para iso animámosvos a participar nesta charla que se celebrará o día 28 de xaneiro de 17 a 19 horas. O lugar escollido é o Centro Cívico de Eirís.

Como chegar premendo AQUÍ.

Dirección:
Rúa Frei Pedro Paio Piñeiro (CCM Eirís), s/n
15009. A Coruña.
Horarios do Centro Cívico:
Luns a venres de 09:00 h. a 14:00 h. e de 16:00 h. a 21:00 h.
Sábado de 10:30 h. a 13:30 h. e de 16:00 h. a 21:00 h.
Domingo de 16:00 h. a 21:00 h.

Teléfono: 636 576 043

Se coñecedes a alguén que poida estar interesada/ou en asistir nesta charla non dubidedes en difuncirlo. O requisito é inscribirse antes do 25 de xaneiro cos seguintes datos:

• Nome e apelidos:

• Idade:

• Situación laboral actual:

• E-mail:

• Número de teléfono:

Podédelo facer vía mail en bdt@coruna.es ou chamando ao 981 18 43 56.

Encantaríanos poder contar coa vosa presenza xa que esta charla pode marcar un antes e un despois. Ídevola perder?

Descargar a Guía para a convivencia nas comunidades veciñais

2011-01-13T15:48:00.006+01:00

A opción de descarga atópase na parte superior dereita do seguinte enlace:

Descargar Guía de Convivencia nas comunidades veciñais

Presentada a Guía para a convivencia nas comunidades veciñais

2011-01-13T13:17:00.003+01:00

A “Guía para a Convivencia nas Comunidades Veciñais” é un pequeno manual de actuación dirixido á veciñanza da Coruña, co obxecto de mellorar a convivencia e as relacións entre as persoas que integran unha comunidade veciñal.

Desde a Concellaría de Igualdade e Participación Cidadá pretendemos ofertar á cidadanía unha ferramenta informativa útil e sinxela para dar resposta a moitas dúbidas comúns que se presentan nas comunidades veciñais.

O obxectivo é poñer a disposición da cidadanía un instrumento que contribúa a favorecer a tolerancia, o civismo e o respecto entre veciños e veciñas da Coruña, axudando a evitar e resolver pacíficamente os posibles problemas ou desavinzas que xurden inevitablemente na convivencia diaria.

A “Guía para a convivencia nas comunidades de veciños e veciñas” edítase cunha doble finalidade:

 Apoiar e complementar as actuacións desenvolvidas no Programa Convive de mediación en conflitos veciñais.

 Dar resposta a unha demanda de información detectada na cidadanía coa posta en marcha deste recurso municipal de mediación.

Efectivamente, desde o inicio do Programa Convive, recíbense no Centro de Participación Cidadá do Birloque numerosas consultas relativas ao funcionamento dunha comunidade veciñal, dereitos, obrigas, axudas, normativa ou recursos dispoñibles.

A “Guía para a convivencia nas comunidades de veciños e veciñas” reune moita información útil para dar resposta a este tipo de demandas de información:

- Normativa municipal sobre ruídos o tenencia de animais domésticos.

- Mantemento de espazos comúns dos edificios.

- Identificación e evitación de condutas molestas.

- Funcionamento das comunidades de propietarios/as.

- Obrigas e dereitos de propietarios/as e inquilinos/as.

- Reformas, instalación de ascensores, axudas á rehabilitación.

As guías están xa a disposición da cidadanía para a súa consulta no Centro de Igualdade e Participación Cidadá do Birloque e na páxina web da Concellaría.

Nos próximos días farase unha distribución da publicación que incluirá:

 Asociacións veciñais da cidade.

 Outras asociacións e entidades sociais.

 Centros Cívicos, asociativos e veciñais municipais.

 Bibliotecas municipais.

 Oficina Municipal de Información al Consumidor (OMIC).

 Oficina Municipal de Rehabilitación Urbana e Vivenda (“O Porto”).

 Administracións de fincas da cidade e Colexio Oficial.

A “Guía para a convivencia nas comunidades de veciños e veciñas” complementa as actuacións levadas a cabo no marco do Programa Convive de mediación en conflitos veciñais.

O Programa Convive é un recurso municipal totalmente gratuíto, dirixido á resolución pacífica de conflitos e problemas veciñais, e que atende a cidadáns e cidadás da Coruña, maiores de idade, e sempre a título individual e particular.

O programa centralízase nas dependencias do Centro de Participación Cidadá do Birloque, na Avda. de Glasgow 10, donde se realiza a atención presencial ás persoas interesadas en formular unha solicitude. As solicitudes poden facerse tamén vía telefónica e a través do correo electrónico ou a páxina web da concellaría.

A decisión de optar pola mediación como forma de solucionar un problema é sempre voluntaria para ambas partes, aínda que preséntase como unha boa opción. O proceso vai ser sempre máis rápido que outras vías de resolución de conflitos e pode evitar a vía legal.

O obxectivo é buscar de forma voluntaria unha solución pacífica de maneira conciliadora sin necesidade de recurrir á xustiza, o que normalmente supón un proceso moito máis longo e costoso.

O funcionamento do Programa Convive aséntase sobre un voluntariado cualificado. Neste momento están xa traballando un grupo de 11 persoas voluntarias, formadas e capacitadas para guiar os procesos de mediación.

Cada sesión do proceso é conducida por unha parella de mediadores e as reunións lévanse sempre a cabo nas dependencias do Centro de Participación Cidadá do Birloque, en horario de mañá ou de tarde, segundo á dispoñibilidade e as preferencias das dúas partes en conflito.

A figura do mediador ou mediadora é neutral e imparcial, NON XULGA, nin resolve. A súa función é a de axudar ás partes a xestionar os conflitos, favorecendo a comunicación e o diálogo entre ambas as dúas partes, para que sexan elas mesmas quenes cheguen á mellor solución.

No próximo mes de febreiro comenzará a impartirse un novo curso de formación en mediación veciñal, co obxecto de ampliar o equipo de mediadores e mediadoras do programa e ofrecer unha atención a cidadanía o máis flexible posible.

Este curso formativo é gratuíto e non se exise unha formación académica específica para formar parte do alumnado. A formación, moi práctica, é impartida por un grupo de profesionais en mediación e capacita ás persoas participantes para actuar como mediadoras.

DATOS DO PROGRAMA:

Dende o momento en que a Concellaría de Igualdade e Participación Cidadá puxo en marcha este recurso, a finais do mes de setembro, atendéronse numerosas consultas telefónicas demandando información sobre o Programa Convive e problemas de convivencia en comunidades veciñais.

A data de hoxe, temos recibido 17 solicitudes formalizadas para iniciar proceso de mediación. Destes procesos, 8 xa están pechados e 9 continúan en proceso. Os datos concretos son os seguintes:

 6 procesos de mediación resoltos con éxito mediante acordos de resolución.

 1 caso considerado non mediable por estar fora da competencia do programa.

 1 caso pechado porque unha das partes non accedeu a participar na mediación.

 9 procesos de mediación continúan abertos, pendentes de resolución.

Non hai un perfil determinado das persoas usuarias deste recurso. Aténdense tanto homes como mulleres de distintas idades. No que se refire a orixe, a maioría trátase de persoas de nacionalidade española e só nalgún caso aparecen implicadas persoas de nacionalidade estranxeira.

Segundo os datos de que dispomos, non existe unha zona ou un barrio da cidade donde existan maior número de conflitos. As 17 solicitudes repártense entre diferentes zonas da Coruña. Non hai ningunha coincidencia.

En canto á natureza dos conflitos, os ruídos molestos e a deshoras sitúanse claramente á cabeza dos problemas manifestados polas persoas usuarias. De feito, 10 das solicitudes de mediación veciñal foron por problemas deste tipo.

O resto dos conflitos manifestados foron por temas de salubridade e desacordos en canto a elementos comúns da comunidade veciñal.

Pacto Cívico da Coruña (IV)

2011-01-12T15:26:00.000+01:00

Pacto Cívico da Coruña (III)

2011-01-12T15:24:00.002+01:00

Campaña do Pacto Cívico da Coruña (II)

2011-01-07T09:56:00.000+01:00

Campaña do Pacto Cívico da Coruña

2011-01-05T17:47:00.004+01:00

Boletín de xaneiro do Banco de Tempo

2011-01-04T18:26:00.002+01:00

Descargar pdf AQUÍ.

Reportaxe sobre o Banco de Tempo da Coruña en TV Coruña.es

2011-01-02T12:56:00.002+01:00

Entrar en TV Coruña.es.

Felicitación da nosa Concellaría

2010-12-21T12:31:00.000+01:00

A Concellaría de Igualdade e Participación Cidadá, a Asociación Comercial Zona Obelisco e Nova CaixaGalicia presentan a pista de xelo ecolóxica instalada nos Xardíns de Méndez Núñez ata o 9 de xaneiro

2010-12-20T13:22:00.002+01:00

A Concellaría de Igualdade e Participación Cidadá, Margarida Vázquez, en compañía de Antonio Amor, Presidente da Asociación de Comerciantes da Zona Obelisco, inaugurou hoxe ás 12:00 a pista de xelo ecolóxica instalada nos Xardíns de Méndez Núñez pola Asociación de Comerciantes da Zona Obelisco, desde o 20 de decembro ata o 9 de xaneiro, de cara a faqvorecer a conciliación de nais e pais que se acheguen nestas datas a realizar as súas compras ao comercio local do centro da cidade.

As quendas de patinaxe son de media hora, cunha capacidade total de 30 persoas en cada quenda. As nenas e nenos menores de 5 anos só terán acceso á pista se van acompañados/as por unha persoa adulta.

A Concellaría de Igualdade e Participación Cidadá facilita a utilización da pista de patinaxe a entidades asociativas da cidade de maneira gratuita, en determinadas franxas horarias de mañá e de noite, acordadas coa Asociación de Comerciantes da Zona Obelisco.

O día da inauguración da pista, luns 20 de decembro, a pista de patinaxe será utilizada, en horario da mañá pola Federación de Asociacións de Familiares e Enfermos Mentais de Galicia (FEAFES). Os usuarios e usuarias desta entidade teñen a oportunidade de participar nunha nova e atractiva actividade de lecer, co acompañamento das súas monitoras.

Acompañarán ás usuarias e usuarios da asociación Mª Jesús Bello (responsable de FEAFES na Coruña) e dúas monitoras. María Jesús Bello interveu na rolda para agradecer á concelleira de Igualdade e Participación Cidadá o seu apoio para que este tipo de entidades gozen da pista como calquera neno e nena da Coruña.

Nas próximas datas, as entidades que disfrutarán desta actividade de patinaxe na quenda de mañá serán as seguintes:

 Martes 21 de decembro: FUNDACIÓN ADCOR (traballa con persoas adultas con discapacidade intelectual) e ASBIGA (Asociación Bipolar de Galicia).

 Mércores 22 de decembro: COGAMI (Confederación Galega de Minusválidos)

 Xoves 23 de decembro: ARTEFÍOS (Asociación para la formación de jóvenes límite)

Ademáis, a Concellaría de Igualdade e Participación Cidadá quere aproveitar a pista de patinaxe para ofrecer ao grupo de adolescentes da Coruña unha alternativa de lecer sá e divertida, alonxada do consumo de alcohol. Así, ademáis de ofrecer a posibilidade de acceso á pista todos os días durante a noite, ampliando o horario ata ás 12 da noite, haberá 3 días especialmente dedicados á adolescencia.

Os días 23 e 30 de decembro e máis o 8 de xaneiro, desde ás 10 da noite ata a 1 da madrugada, a pista de patinaxe será ademáis discoteca. Un Dj pinchará música na pista de xeo para darlle un ambiente discotequeiro e instalarase o “Bareto Saudable” onde se ofrecerán varias opcións de bebidas sen alcohol para o fomento do consumo responsable.

Esta atractiva oferta de lecer se complementará cun reporteiro que se moverá coa súa cámara entre os e as participantes grabando imaxes, caídas, peripecias e entrevistas. E todas estas gravacións serán retransmitidas en directo nunha pantalla de proxección.

Moitos e moitas adolescentes de institutos coruñeses, e outros pertencentes a entidades asociativas, xa teñen a súa invitación para participar nesta divertida actividade. Tamén teñen o seu espazo reservado todas as familias usuarias do servizo de canguros municipais e os fillos e fillas das mulleres que participan en diferentes programas da Concellaría como o ADA e o Urbana-C.

Por último, a Concellaría de Igualdade e Participación Cidadá repartiu invitacións entre todas as asociacións veciñais da Coruña e outras entidades xuvenís e deportivas. No Centro de Participación Cidadá do Birloque aínda hai invitacións a disposición das entidades que desexen ofrecerlas ás súas persoas asociadas e o monitorado da pista de patinaxe tamén terá invitacións, que se repartirán ata que se agoten.

"A Coruña Nowadays" resalta varias das nosas actuacións como parte da arte máis actual da Coruña de hoxe

2010-12-20T09:52:00.002+01:00

Envíannos desde Deica Management, empresa local responsable, entre outras cousas, do MUAU ou a exposición "Cambio de roles-Visibilidade", esta reportaxe dunha canle de televisión online catalana adicada á nosa cidade máis actual e vangardista. Estupendo traballo do equipo de Tendencias.tv.

Ver "A Coruña Nowadays (A Coruña hoxe en día)".

Mañá sábado nova edición de Mercanatura nos Rosales

2010-12-10T14:05:00.000+01:00

Entre as 10:30 e as 14:30 terá lugar unha nova edición de Mercanatura, Feira de produtos ecolóxicos, naturais e artesanais organizada pola Asociación de Veciños dos Rosales e que conta coa colaboración da nosa Concellaría. Nesta ocasión, ademais, presentarase a nova web do evento, presentación que se desenvolverá ás 10:30 no Centro Cívico dos Rosales e que contará coa presenza de Margarida Vázquez, Concelleira de Igualdade e Participación Cidadá do Concello da Coruña.

O Banco de tempo da Coruña no programa "Cambiocho" de V Televisión

2010-12-09T10:20:00.002+01:00

Estupenda reportaxe feita polo equipo do programa "Cambiocho" para V Televisión. Emitido o pasado 19 de novembro.

Boletín de novembro do Banco de Tempo

2010-11-15T18:37:00.000+01:00

Podes descargalo no seguinte enlace:

Descargar Boletín de novembro do Banco de tempo da Coruña

Xa quedades informad@s. Se queredes formar parte do noso Banco, enviade un email a bdt@coruna.es ou telefoneade ao 981 184 356.

III Salón Coruña Outlet

2010-10-08T18:32:00.001+02:00

Hoxe inaugurouse a III edición do Alén, Salón Coruña Outlet, nas instalacións de Palexco. Interviron no acto a Concelleira de Igualdade e Participación Cidadá, en calidade de Deputada Provincial, Miguel Agramayor, presidente da Federación de Comercio, e Quique Tello, Primeiro Tenente de Alcalde e concelleiro de Promoción Económica, Departamento encargado deste evento.

Un centenar de comercios locais, coa novidade da presenza do sector hostaleiro, son os principais reclamos desta nova edición, despois do enorme éxito colleitado polas dúas edicións anteriores.

Nesta ocasión o Salón desenvolverase os días 8, 9 e 10 de outubro. É de sinalar o servizo de gardería que inclúe dúas horas gratuítas.

Deixamos aquí unhas fotos do punto de partida deste Alén.

A Concellaría de Igualdade e Participación Cidadá pon en marcha un programa de alfabetización dixital e administración electrónica

2010-10-01T18:42:00.001+02:00

O vindeiro 4 de outubro dan comezo os primeiros cursos de informática gratuítos, dirixidos a persoas que integran o tecido asociativo da cidade da Coruña. Este programa formativo nace como resposta a varias necesidades. Por unha banda, a Concellería de Igualdade e Participación Cidadá promoveu unha consulta entre as asociacións e entidades sen fin de lucro da cidade sobre as necesidades e preferencias formativas, destacando a priorización dos cursos de informática, sobre todo, dentro do ámbito das asociacións veciñais.

Ademáis, nas mesas de concertación celebradas nestes últimos meses dentro do Plan de Programación do Tempo na Cidade da Coruña, nas que participaron persoas representantes de todos os ámbitos da cidadanía, apareceu de forma continuada unha demanda sobre a necesidade de coñecer e utilizar as posibilidades da administración electrónica para reducir, tanto tempos de desprazamentos innecesarios, como tempos adicados a xestións administrativas.

Deste xeito, enténdese como imprescindible o dominio das novas tecnoloxías e constátase a necesidade de abordar medidas específicas para fomentar a alfabetización nas TIC’s entre a cidadanía da Coruña, principalmente, entre as persoas con menores posibilidades de acceso a elas.

Para dar resposta a esta necesidade, a Concellaría de Igualdade e Participación Cidadá oferta o curso de formación “Alfabetización dixital e Administración Electrónica”, de 30 horas de duración e totalmente gratuíto, dirixido ás entidades veciñais e asociativas da cidade da Coruña.

A formación impartida dentro do curso inclúe, ademáis da capacitación informática e a utilización da e-administración, unha completa información acerca dos recursos dispoñibles en internet, e a forma de utilizalos, incluindo os espazos web municipais do Concello da Coruña.

Os cursos prográmanse en diferentes barrios da cidade co obxecto de facilitar a asistencia a todas as persoas interesadas nesta formación, evitando no posible que teñan que facer grandes desprazamentos para asistir ao curso.

Os primeiros cursos impártense segundo o seguinte calendario:

• Federación de Asociacións Veciñáis da Coruña e Área Metropolitana: Dúas quendas, en horario de mañá e de tarde, do 4 ao 27 de outubro.

• AECO, Asociación de Empresarias Coruñesas: Do 4 ao 27 de outubro, en horario de tarde.

• Asociación Veciñal de Eiris “Uxío Carré”: Do 13 de outubro ao 3 de novembro en horario de tarde, no Centro Cívico de Eirís.

• Centro Social Sagrada Familia: Do 13 de outubro ao 3 de novembro en horario de tarde.

O programa formativo seguirá desenvolvéndose noutras entidades para chegar á maior parte da cidadanía que esté interesada en participar nesta iniciativa.

Foto final da intervención artística do "Niño de las Pinturas" no Ventorrillo

2010-10-01T10:13:00.002+02:00

Os artistas locais que interviron xunto ao Niño de las Pinturas no Ventorrillo envíannos esta foto onde se aprecia no seu conxunto o resultado final desta peza artística colectiva. Agardamos que o barrio do Ventorrillo poida gozar dela o máximo posible de tempo e actúe como motor de futuras intervencións.

Novas intervencións dentro de San Andrés 1.0

2010-09-20T10:33:00.003+02:00

Desde esta fin de semana pode contemplarse, no número 47 da rúa San Andrés, unha nova actuación dentro da programación de San Andrés 1.0, intervención artística sobre baixos comerciais en desuso desta tradicional rúa, de cara tanto á súa rehabilitación comercial e empregando a arte como motor económico e polo de atracción e interese como para recuperar para as xeracións máis mozas a memoria histórica asociada a esta columna vertebral da nosa cidade.

Esta intervención, titulada "Redescubrindo San Andrés", obra de Pequena Suricata, comisaria da mostra, sustitúe á que había no portal 12 adicada á librería "La Poesía".

Temos aquí un antes e un despois en fotos:

Antes

Despois

Por outra parte, o local 52 da citada rúa, onde se desenvolve a intervención "Coñezamos o pasado para coñecer o presente, de Juan Luis Vázquez e Rebeca Varela, amosa xa un número importante de fotos antigas enviadas por cidadáns e cidadás ao correo que se pode ler na propia obra. Queda aquí unha pequena selección:

DINAMO Teatro promociona o I Foro de Participación e consulta á infancia de Novomesoiro

2010-09-15T11:16:00.002+02:00

O pasado luns pola tarde, os rapaces e rapazas de DINAMO Teatro pasaron polo barrio de Novomesoiro co obxectivo de promocionar entre a rapazada alí presente, e "xogante", o I Foro de participación e consulta á infancia de Novomesoiro, que se celebrará o venres 24 pola tarde, para todas e todos aqueles que prefiran este horario, e o sábado pola mañá para o resto das rapazas e rapaces.

Deixámosvos unhas fotiños de como lles foi motivando a estes pequerrechos para convertilos desde xa en cidadás e cidadáns participativos e enganchados totalmente ao desenvolvemento do seu xoven barrio.

Cursos de formación do Plan de emprego e participación das mulleres

2010-09-13T18:06:00.000+02:00

A partir de outubro comezaremos estes Cursos de formación dirixidos ás mozas e mulleres da Agra do Orzán, dentro do Plan de emprego e participación das mulleres. O obxectivo deste Plan é promover a incorporación das mulleres ao mercado laboral e a súa participación na vida social do barrio.

Deixámosvos na anterior imaxe toda a información e lembrámosvos que a Oficina de información do URBANA-C se atopa na Rúa Corcubión 8, teléfono 981 924 831 e que se atende os luns, mércores e venres de 9:30 a 14:00 horas.

I Foro Infantil de Participación e Consulta á Infancia en Novo Mesoiro

2010-09-10T17:46:00.001+02:00

A Concellería de Igualdade e Participación Cidadá organiza o I Foro Infantil de Participación e Consulta á Infancia en Novo Mesoiro, que se celebrará os próximos días 24 e 25 de setembro, no Centro Cívico e Social.

Esta iniciativa nace co obxecto de crear un espazo lúdico, participativo e educativo no que as nenas e nenos de Novo Mesoiro teñan a oportunidade de participar activamente na vida do seu barrio e aportar as súas opinións, propostas e demandas.

Neste I Foro Infantil, as e os participantes tomarán parte nunha experiencia participativa e educativa na que poderán actuar como “cidadanía” comprometida co seu contorno, conseguindo así unha das condicións básicas para educar en sociedade: o desenvolvemento da capacidade de participar.

Para facilitar a participación neste Foro Infantil, haberá dúas convocatorias: o venres 24 de setembro pola tarde e o sábado 25 pola mañá. A preinscrición pode facerse en calquera das dúas quendas, en función da preferencia ou disponibilidade.

O Foro estará aberto a todos os nenos e nenas de Novo Mesoiro que teñan idades comprendidas entre os 4 e os 12 anos, ainda que durante o desenvolvemento do mesmo dividiranse en grupos en función da súa idade. Ademáis, durante o acto ofreceremos unha merenda aos menores participantes.

INFORMACIÓN E PREINSCRICIÓN:

Datas de preinscrición: do 13 ao 19 de setembro.
Centro Cívico e Social de Novo Mesoiro
Teléfono: 981 184 200 Ext: 88308 /88315
Correo electrónico: participacion@coruna.es

San Andrés 1.0 rectifica a historia comercial dunha rúa en decadencia

2010-09-08T13:17:00.002+02:00

A rúa de San Andrés foi, en tempos, o indiscutible Centro Comercial da Coruña. A aparición de novos hábitos de consumo, a restruturación do espazo urbano coruñés cara aos aneis residenciais exteriores -novos barrios como Rosales e Novomesoiro e concellos limítrofes como Culleredo ou Arteixo- as numerosas incompatibilidades na conciliación da vida laboral, familiar e persoal, a importante presenza de multinacionais da venda e distribución de alimentos e bens, entre outras, son algunhas das razóns que poden explicar a continua decadencia que leva vivindo esta rúa nas últimas dúas décadas.

É por isto que naceu San Andrés 1.0, unha potente intervención artística onde partimos dun soporte atrevido, como eran os seis baixos comerciais en desuso que a Asociación Comercial Zona Obelisco ofertou á nosa Concellaría, e empregamos un grandísimo muro que ocupa tres antigas edificacións xa desaparecidas, todas elas co tradicional ancho dun remo, como índice e guía para o conxunto da exposición.

A valoración actual desta iniciativa non pode ser máis positiva. Varios dos locais involucrados están xa alugados ou en procesos administrativos previos ao seu novo uso. Por primeira vez en anos aumenta o uso comercial desta rúa. A arte, a intervención directa sobre os elementos que conforman a característica definitoria de San Andrés, os baixos comerciais, é o motor sobre o que xira a recuperación deste tipo de espazos en franca competencia desigual coas novas superficies comerciais e os novos usos do tempo dos cidadáns e cidadás.

Deixámosvos aquí uns enlaces procedentes de diferentes medios que continúan a facerse eco desta iniciativa e dos seus excelentes resultados.

San Andrés se adapta a la crisis (Opinión de A Coruña)

Una calle vista por los ojos del pasado (Opinión de A Coruña)

La pintura que hay tras el grafiti (entrevista a EME na Voz de Galicia)

Una apertura en San Andrés (Voz de Galicia)

Nos próximos días recibiredes cumprida información sobre a continuidade deste tipo de iniciativas noutro entorno urbano comercialmente degradado da nosa cidade, como é a Agra do Orzán.

As primeiras solicitudes de Mediación Veciñal chegan ao noso Departamento

2010-09-07T11:02:00.004+02:00

Están a chegar ao nosa Concellaría de Igualdade e Participación Cidadá as primeiras peticións de veciños e veciñas da nosa cidade para solicitar a intervención do noso equipo de Mediación Veciñal.

A campaña de difusión deste programa comezará a semana que vén, polo que estas solicitudes indican o interese enorme que espertou esta posibilidade de mediación que ofrece o Concello da Coruña.

Para contactar e informarse dos pasos necesarios para solicitala, podedes chamar ao 981 189 869, através da web de Igualdade e Participación ou en Mediación Veciñal dentro de coruna.es/participacion.

Tamén podes dirixirte ao Centro do Birloque da Concellaría de Igualdade e Participación Cidadá.

Tamén podedes enviar un email a participacion@coruna.es

Ver noticia no Ideal Gallego

.

NOVA CONVOCATORIA DE SUBVENCIÓNS E AXUDAS DA XUNTA DE GALICIA

2010-08-10T09:37:00.001+02:00

1. Subvencións a entidades de iniciativa social sen fin de lucro para actividades e programas de atención ás persoas maiores e persoas con discapacidade

A Concellaría de Igualdade e Participación Cidadá do Concello da Coruña informa da apertura da convocatoria de subvencións da Xunta de Galicia para o ano 2010, a entidades de iniciativa social para o mantemento e promoción de actividades e programas de servizos sociais especializados nos ámbitos da atención ás personas mayores e persoas con discapacidade.

As entidades solicitantes deberán estar inscritas no Rexistro Único de Entidades Prestadoras de Servizos Sociais, non ter fin de lucro e ter o seu enderezo social en Galicia ou delegación na comunidade autónoma.

O prazo de solicitude rematará o 26 de agosto do 2010.

Achegamos enlace ás bases completas da convocatoria.

BASES da convocatoria de subvencións da Xunta de Galicia a entidades de iniciativa social para actividades e programas de servizos sociais

2. Axudas a asociacións e entidades sen fin de lucro para programas de acollida e integración de inmigrantes

A Concellaría de Igualdade e Participación Cidadá do Concello da Coruña informa da apertura da convocatoria de subvencións da Xunta de Galicia a entidades sen ánimo de lucro para desenvolver programas destinados a favorecer os procesos de acollida e integración da poboación inmigrante e retornada na Comunidade Autónoma galega.

As entidades solicitantes deberán estar legalmente constituidas e inscritas no correspondente rexistro administrativo. Deberán ter o seu enderezo social en Galicia ou delegación na comunidade autónoma, e desenvolver actuacións que favorezan a acollida e integración das persoas inmigrantes e retornadas na Comunidade Autónoma de Galicia.

O prazo de solicitude rematará o 23 de agosto do 2010.

Achegamos enlace ás bases completas da convocatoria.

BASES da convocatoria de axudas da Xunta de Galicia para acollida e integración de inmigrantes

Dous novos baixos comerciais para San Andrés 1.0

2010-08-05T10:27:00.001+02:00

Estes son os dous locais que se engadirán aos xa existentes para conformar unha exposición na propia rúa de San Andrés, co ramal Marqués de Pontejos, de oito intervencións artísticas. A día de hoxe este é o estado destes locais:

Impacto de San Andrés 1.0 nos medios de comunicación

2010-07-19T18:11:00.000+02:00

Estupendo artigo da Voz de Galicia e presenza na axenda da Opinión.

Estas imaxes corresponden coa portada da sección local e o artigo int5erior de dita sección que apareceu no primeiro dos medios o sábado 17. Quédanvos aquí os enlaces máis interesantes que fomos atopando:

Voz de Galicia

Opinión de A Coruña

Corunacity

Arranca a Expo Urbana San Andrés 1.0

2010-07-16T18:12:00.003+02:00

A Concellaría de Igualdade e Participación Cidadá do Concello da Coruña, a Asociación Zona Obelisco, a Escola de Artes Pablo Picasso e o Museo Urbano de Arte Urbana (MUAU) poñen á disposición do público unha intervención artística que a partir do venres 16 de xullo dá a oportunidade de facer máis nosa unha das rúas máis emblemáticas da Coruña aínda. Cinco establecementos sen actividade comercial e un muro agardan ás/aos paseantes de San Andrés cada un coa súa sorpresa.

Como non podería ser doutra forma, esta edición do MUAU di ata logo tal como empezou, despregando creatividade, participación e reflexión no espazo público coruñés. Durante o verán San Andrés amosará vidas, xentes, comercios, ocio, cultura, outros tempos... a través da arte. A rúa invita a quen pasea a coñecela un pouco máis e a sorprenderse cos tesouros que oculta.

Pasado, presente e futuro de San Andrés
"Benvid@s a San Andrés. Se me paseades cos ollos ben abertos, en cada mirada, en cada paso, en cada esquina, en cada escaparate, veredes o voso pasado. En todos e cada un dos instantes en que me atopedes estarán o voso gozo presente e os nosos soños futuros".

Con esta benvida, o muro situado á altura do número 95 avisa de que a arte urbana pode falar idiomas de distintas xeracións, de distintos tempos. A Coruña fai a proba na rúa de San Andrés. EME é a artista que pintou o muro, nun dos poucos solares sen edificar que hai na rúa. A súa intervención leva por título San Andrés 1.0.

Nove estudantes da Escola de Artes Pablo Picasso da Coruña comisariados por outra artista, Pequena Suricata, crearon e montaron instalacións artísticas en comercios sen actividade, espallados por toda a rúa. Arte detrás das sorpresas e das visións que conectan o novo e o vello. Recordos e fotografías de moito atrás xogan con propostas actuais máis que atractivas. Os locais que acolle as instalacións están situados no nº 12, nº 45, nº 52, nº 86 e no nº 128, aos que se engade o mural correspondente aos números 95-97-99.

Comerciantes, estudantes, artistas... cidadás e cidadáns
A Concellaría de Igualdade e Participación Cidadá do Concello da Coruña organiza e financia a esta intervención que converterá a rúa San Andrés no centro da arte urbana coruñesa durante o verán, xunto co MUAU, quen tamén organiza e produce. Participa tamén na organización a Asociación Zona Obelisco. Grazas a ela é posible dispor, entre outras cousas, de establecementos nos que traballar.

Quen son os/as artistas autores e autoras da intervención? A artista autora do mural é EME, galega nacida en 1984 na Coruña que traballa a fotografía, a animación, as instalacións e a pintura, utilizando e reutilizando gran variedade de soportes novos ou usados. EME estudiou Belas Artes en Vigo e Madrid.

Os artistas que levaron a cabo as obras nos locais son nove alumnos e alumnas da Escola de Artes Pablo Picasso. Traballaron baixo a supervisión e a axuda da comisaria da intervención: Pequena Suricata, fotógrafa e deseñadora coruñesa nacida en 1982, ex-alumna da Escola de Artes Pablo Picasso, que extende a súa creatividade tamén ao campo da música, neste caso baixo o seudónimo de Jane Joyd.

Esta é a listaxe de establecementos, títulos das intervencións e autores/as:

Local nº 12 "Somos o reflexo das nosas rúas"
Juan Regueiro

Local nº 45 "Bótalle un ollo a San Andrés"
Yolanda Rubio
Jorge No
Daniel Pulgarín
Pequena Suricata (interior escaparate)

Local nº 52 "Coñezamos o pasado para coñecer o presente"
Juan Luis Vázquez
Rebeca Varela

Local nº 86 "25 miradas e unha mariquita"
David Guerra
Víctor Guerra

Local nº 128 "Historias, vida e lembranzas da rúa San Andrés"
Raúl Mella

Á Escola está tamén vinculado Nilo Arias, profesor que coordinou a selección e o contacto coa organización do MUAU.

Así mesmo, colaboraron a Concellaría de Medio Ambiente, o Arquivo Municipal da Coruña, o Centro de Formación e Emprego, e os fotógrafos Alberto Martí e Pepucho Castro.

San Andrés 1.0 en construción

2010-07-16T10:29:00.004+02:00

San Andrés 1.0 conxugará historia, arte e comercio para revitalizar esta arteria coruñesa

2010-07-13T12:28:00.003+02:00

O próximo venres 16 de xullo, a partir das 11:30 na confluencia das rúas de San Andrés e Santa Catalina, a Concellaría de Igualdade e Participación Cidadá e maila Asociación Comercial Zona Obelisco presentarán ante a prensa e o público en xeral a EXPO URBANA: San Andrés 1.0. A motivación destas seis intervencións artísticas dispostas ao longo de boa parte desta arteria comercial coruñesa en cinco baixos comerciais e un gran mural é aunar esforzos e disciplinas para, mediante un proceso participativo, reflexionar sobre a historia de San Andrés, o seu tradicional potencial comercial e a súa desmerecida situación actual a partir dunhas intervencións realizadas por diferentes artistas locais, algúns verdadeiramente mozos e mozas -alumnado procedente da Escola de Arte Pablo Picasso- de cara á súa revitalización urbana externa e "interna" ou espiritual, se se prefire.

Cómpre resaltar a colaboración de fotógrafos como Alberto Martí e Pepucho Castro así como a implicación do Arquivo Municipal da Coruña e o Centro de Emprego e Formación.

A intención dos organizadores é que estas actividades estean expostas ao longo de todo o verán de cara a aproveitar tamén a numerosa presenza de turistas polas nosas rúas, máis aínda se temos en conta a celebración do Xacobeo 2010.

Os próximos días iremos adiantándovos unha parte destes intervencións co ánimo de que vos aproximedes a partir deste venres a esta rúa coruñesa que forma parte do pasado, do presente e do futuro, sen dúbida, de todas e todos nós.

REMATA A FORMACIÓN DO PRIMEIRO EQUIPO DE MEDIACIÓN EN CONFLITOS VECIÑAIS DA CORUÑA

2010-07-09T09:25:00.001+02:00

O día 7 de xullo rematou a formación dos voluntarios e voluntarias que formarán o equipo de mediación en conflitos veciñais, recurso que a Concellaría de Igualdade e Participación Cidadá porá en marcha no mes de setembro.

O proceso formativo dos futuros mediadores e mediadoras veciñais deu comezo no mes de maio, abordando temáticas sobre emocións, comunicación, resolución de conflitos, lexislación e, neste último módulo, sobre a mediación veciñal en contextos interculturais.

Na formación, impartida por profesionais de recoñecido prestixio, empregouse unha metodoloxía totalmente participativa, co obxecto de capacitar ao alumnado para as futuras actuacións nos procesos de resolución de conflictos veciñais.

Desde a Concellaría de Igualdade e Participación Cidadá queremos dar as gracias a Alba, Alfredo, Carmen, Inma, Juan, Luis, Manuel, Merce, Mercedes, Pablo e Rosa pola súa implicación neste proxecto e polo gran traballo que están realizando.

Subliñar que todas estas persoas forman un magnífico grupo de mediadoras e mediadores veciñais, e serán quenes formen parte da primeira equipa voluntaria-profesionalizada do programa.

Presentado o informe de queixas cidadás por parte da Comisión de seguimento

2010-06-30T14:05:00.000+02:00

Como todos os anos, presentouse o informe anual de queixas recibidas e tramitadas no Concello da Coruña polos seus diferentes medios: Rexistros Municipais, web municipal, 010,....

Un ano máis, sobrancean as queixas dirixidas ao departamento de Infraestruturas relativas a mal estado de vías e beirarrúas.

Por outra banda, novamente aparece a Concellaría de Igualdade e Participación Cidadá como o único departamento que non xenerou nin unha soa queixa, o cal é salientable dados os diferentes programas de impronta cidadá que desenvolvemos, tais como o deporte feminino na rúa, o servizo de canguros, o festival arte+parte ou o Banco de Tempo, entre outros.

Podedes ler as informacións que apareceron hoxe na prensa:

Voz de Galicia

Opinión de A Coruña

Ideal Gallego

O BANCO DO TEMPO XA ESTÁ FUNCIONANDO!!!

2010-06-25T09:43:00.001+02:00

Durante o mes de Xuño xa realizamos varios intercambios entre as socias e socios do Banco do Tempo.

Na actualidade somos 28 socias e socios que xa dispoñemos de 3 horas “de balde” para poder empezar a facer uso de todo o que nos ofrece o Banco.

Durante este mes xa realizamos varios intercambios de masaxe, sesións de coaching, conversacións en inglés, reflexoloxía, manicura e o luns realizaremos un intercambio en pequeno grupo de internet básico.

Adxuntamos tamén o boletín actualizado onde podéis ver todo o que se demanda e se ofrece no Banco do Tempo. Se che interesa intercambiar algo do que se ofrece non dubides en contactar con nós.

Anímate e faite socia ou socio do Banco do Tempo!!!!

No seguinte documento poderedes coñecer as actividades que estamos desenvolvendo (Descargar AQUÍ):

Actualidade da nosa Concellaría

2010-06-15T12:21:00.001+02:00

Nestes días pasados, programas como o de Mediación Veciñal e os desenvolvidos desde o noso CIM (Centro de Información á Muller) ocuparon a actualidade en diferentes medios de comunicación. Deixámosvos aquí as reportaxes máis enriquecedoras:

Igualdade ofertará tres vivendas tuteladas para vítimas de violencia de xénero

Case o 70% das usuarias do CIM da Coruña son mulleres vítimas de violencia de xénero

O programa de Mediación veciñal procurará que os conflitos non cheguen aos tribunais

Mediación veciñal celebrará as súas reunións no Centro Municipal do Birloque

Entregados os premios da segunda edición do concurso de tapas dos Rosales

2010-06-06T12:17:00.004+02:00

No día de onte déronse a coñecer os premiados na segunda edición do concurso de tapas dos Rosales. Ante os representantes das asociacións organizadoras, a de veciños e empresarios dos Rosales, o Directore da Cámara de Comercio, señor Ortiz,e os representantes municipais Quique Tello, Margarida Vázquez e Silvia Longueira, os presentes neste acto puideron degustar os produtos máis valorados neste concurso.

A lista definitiva de premiados quedou así:

1º Premio: A Bellota, por Tosta de queixo, melón e xamón.

2º Premio: Baker Street, por Tosta de salpicón.

3º Premio: La Rosa del Desierto-Tetería, por Riaka.

Premio especial pola tapa máis valorada polos propios clientes: Adega O Chipirón.

NORABOA AOS PREMIADOS E A TODOS OS LOCAIS QUE PARTICIPARON NESTA INICIATIVA!

Presentado o observatorio de S8, 1ª Mostra de Cinema Periférico

2010-06-04T13:55:00.000+02:00

A Concelleira de Igualdade e Participación Cidadá do Concello da Coruña, Margarida Vázquez, inaugurou as xornadas "Observatorio", actividade incluída na programación do (S8) 1º Festival de Cinema Periférico.

Estas dúas xornadas, que se celebrarán hoxe e mañá a partir das 12:00 horas na sede da Fundación Caixagalicia, son promovidas desde a nosa Concellaría e desenvólvense paralelamente ás actividades do Festival realizadas no antigo cárcere da Coruña.

OBSERVATORIO. “ALL I WANT TO DO IS SHOW MY VIDEO”

Un dos déficits estructurais do audiovisual independente no noso país é a inexistencia dunha rede de difusión sólida e estable que permita que as obras dos creadores atopen o seu público. Así, o papel dos diferentes intermediarios -distribuidoras, espazos de exhibición e medios de comunicación- é chave para normalizar a producción e a recepción das novas prácticas artísticas.

Para examinar e paliar estas deficiencias, o (S8) Mostra de Cinema Periférico conta entre as súas actividades paralelas co Observatorio, un punto de encontro entre os creadores independentes e unha serie de iniciativas profesionais abertas á linguaxe audiovisual máis innovadora.

Os seus obxetivos son:

-Dar a coñecer aos autores novas vías para difundir a súa obra.

-Analizar o panorama da distribución e a exhibición do audiovisual independente a través dunha serie de diálogos abertos ao público con representantes de galerías, centros de arte, festivais, filmotecas, comisarios e distribuidoras.

-Establecer acordos concretos cos diferentes axentes sectoriais para promocionar a obra dos autores independentes.

Estos encontros terán lugar os días 4 e 5 de xuño na Fundación Cultural Caixa Galicia.

VENRES 4 DE XUÑO – 12.30

“Revisión e… ¿consolidación?”

Unha mesa adicada a rastrear as iniciativas destinadas á difusión do audiovisual independente no noso país e o papel que xogaron os espazos de exhibición alternativos na súa promoción e na súa consolidación. Unha análise retrospectiva que abre ao mesmo tempo interrogantes sobre a continuidade e solidez das redes establecidas.

- Gonzalo de Pedro Amatria, coordinador de programación do Festival Internacional de Cine Documental Punto de Vista

- Beatriz Navas, responsable de audiovisuais de La Casa Encendida

- Jaime Pena, responsable de programación do Centro Galego de Artes da Imaxe.

- Antonio Weinrichter, profesor universitario, crítico de cine y programador independente.

- Elena Oroz, moderadora.

SÁBADO 5 DE XUÑO – 12.00

“Do nó á rede. Novos espazos de exhibición no contexto expositivo”

O obxetivo da mesa é abrir novos espazos de exhibición e proxección para os creadores, estudando a posibilidade de crear circuitos estables financiados para este efecto. Articular un sistema onde resulta fundamental a labor das galerías, actualmente en proceso de cambio e remodelación conceptual como espazo/negocio; das feiras de arte, como grandes contedores artísticos; e as distribuidoras, como punto de encontro.

- Asunta Rodríguez, propietaria e directora da Galería Trinta, Santiago de Compostela

- Marta Scarpellini, directora da Feria Internacional de Arte Contemporáneo Espacio Atlántico Vigo

- Eli Lloveras, responsable Hamaca. Media & Video Art Distribution from Spain.

- José Manuel Sande, moderador.

Coordinadores do Observatorio: Elena Oroz e Toni Fernández

Vídeo sobre o a Agra, de Elizabeth Ross

2010-06-03T11:47:00.003+02:00

A artista mexicana afincada na Agra do Orzán, Elisabeth Ross, de 5Célula arte y comunidad, realizaou este fermoso vídeo en homenaxe a un barrio, as súas xentes e, moi sinaladamente, ás e aos comerciantes que participaron no festival Paralelo 43· 21' 45''. Recomendamos o seu visionado.

Continúan as actividades do festival Paralelo 43º 21' 45''

2010-05-19T18:07:00.007+02:00

Despois do éxito acadado nos dous anteriores sábados adicados o primeiro á música e este último, día 15, as artes literarias, o PARALELO 43º21’45” O festival artístico en marcha dende o día 8 de maio no barrio coruñés das Cochiñas-Agra do Orzán, sigue a súa andaina co día adicado as artes escénicas, o sábado 22 de maio.

Así, esta xornada estará especialmente orientada ás rapazas e rapaces máis novos. Durante todo o día habera xogos interculturais organizados por Viraventos, ONG do barrio, na rúa Barcelona entorno ao Mercado.

Ás 12,00 será o momento para a sesión de Contos no Mercado, a cargo de Zezilia Meléndrez

(de “A locamotora”).

Ás 6 da tarde, haberá tamén unha seisión-demostración de teatroterapia a cargo da terapeuta Victoria Teijeiro, no local de Manicómicos, na rúa Andrés Gaos, con prazas limitadas e admisión segundo orden de chegada.

Xa ás 7 da tarde haberá un match de improvisación teatral, unha regeifa entre os grupos de teatro Manicómicos y Bambú teatro na praza das Conchiñas.

Permancen montadas as exposicións artísticas en 45 establecementos comerciais: peluquerias, xoierías, froiterias, talleres mecánicos, bares... onde oleos, gravados, fotografías, vídeos, instalacións, esculturas, maquetas... conviven coas meracadorias, promocionando cultural e comercialmente o barrio e facendo que o público acceda a arte no seu día a día.

Organizan os colectivos:

“arTeu, arte + sociedade”, “BGR-Bisionesgraphicasreales”, “5celula, arte y comunidad”

Patrocina:

Concellaría de Igualdade e Participación Cidadá, Concello da Coruña

Colaboran:

Concellarías: de Cultura, de Mocidade, Solidariedade e Normalización Lingüística e Mercados

Presentación da II edición do concurso de tapas dos Rosales

2010-05-14T10:26:00.004+02:00

Onte presentouse a II edición do concurso de tapas dos Rosales. Margarida Vázquez, concelleira de Igualdade e Participación Cidadá, Fernando Carrillo, Presidente da Asociación de Veciños dos Rosales, e Esther Fontán, en representación da Asociación de empresarios e empresarias do barrio, acompañados de membros da Xunta directiva da asociación veciñal, deron o pistoletazo de saída a esta nova edición de promoción grastronómica e social do barrio. Podedes consultar os locais participantes AQUÍ.

Ao mesmo tempo, lembrouse que este sábado 15 de maio (mañá mesmo) se celebrará unha nova edición de Mercanatura. Dúas inmellorables excusas para achegarse a este barrio.

Bon apetit!!!!

Faith47 finaliza o mural do Barrio das Flores

2010-05-14T09:44:00.003+02:00

Diferentes imaxes que mostran o mural artístico realizado por Faith47 dentro das actividades do MUAU que organiza a nosa Concellaría. Na súa parte frontal destaca o deseño dunha muller que nos remite á iconoclastia bizantina e ao mesmo tempo á tradición muralística oriental.

Pola parte traseira do mural destacan en grande unhas letras onde lemos "Corazón". A súa grafía remítenos tanto ás escritas orientais como á tradición medieval irlandesa.

A Concellaría de Igualdade e Participación Cidadá estrea novo espazo web

2010-05-12T15:09:00.000+02:00

• A CONCELLEIRA, MARGARIDA VÁZQUEZ PRESENTOU O NOVO ESPAZO WEB ESTA MAÑÁ QUE SE SUMA AOS ESPAZOS XA EXISTENTES COMO OS BLOGS IGUALDADE CORUÑA, PARTICIPACIÓN CORUÑA OU MULLERES ARTE+PARTE ASI COMO UN CANAL PROPIO EN YOUTUBE, FACEBOOK E TWITTER

• PÓDESE ACCEDER A NOVA WEB DESDE HOXE NAS DIRECCIÓNS: WWW.CORUNA.ES/IGUALDADE OU WWW.CORUNA.ES/PARTICIPACION

A Coruña, 12 de maio de 2010.- A Concelleira de Igualdade e Participación Cidadá, Margarida Vázquez, presentou esta mañá a nova web da súa Concellaría, accesible desde a web municipal coruna.es. Esta nova ferramenta para a promoción, difusión e intercambio de ideas súmase aos espazos xa existentes como os blogs Igualdade Coruña, Participación Coruña ou Mulleres arte+parte, así como un canal propio en youtube, facebook, cuns dous mil seguidores, ou twitter.

A partir dun deseño inspirado na propia web municipal, de cara a manter ante os potenciais usuarios unha aparente relación co conxunto da web do Concello da Coruña, a Concellaría de Igualdade e Participación explora ao máximo as súas posibilidades procurando, por un lado “o acceso ao máximo de información con apenas dous clics”, como sinalou Margarida Vázquez, así como unha desexada interrelación e intercomunicación da Concellaría cos usuarios e usuarias da web mediante o uso de aplicacións que permiten comentar as noticias, abrir foros de debate, colgar enquisas, compartir as novas nas diferentes redes sociais, etc.

Persoal técnico da Concellaría foi o encargado de subir todos os contidos dispoñibles. Esta web estaba pendente desde a creación da Concellaría de Igualdade e Participación Cidadá hai menos de tres anos, polo que o seu deseño foi sufragado desde o Departamento de Planificación do Concello.

Desde hoxe pódese acceder a esta nova web entrando a través da dirección www.coruna.es, ou directamente en www.coruna.es/igualdade ou www.coruna.es/participacion

Esta web consta dun portal de INICIO, desde o que se pode acceder tanto aos contidos exclusivos da área de Igualdade como os de Participación Cidadá. Neste último apartado, resaltan o uso dunhas enquisas abertas que solicitan das e dos cidadáns a súa opinión sobre diferentes programas que desenvolve a Concellaría, aínda que Margarida Vázquez adiantou que no futuro poderán referirse a todo tipo de temas de interese cidadá.

A artista urbana Faith47 chega á Coruña para deixar a súa arte nun muro do barrio das Flores

2010-05-11T14:42:00.002+02:00

• A INTERVENCIÓN ENMARCASE DENTRO DO MUAU (MUSEO URBANO DE ARTE URBANA) NO QUE PARTICIPAN AS CONCELLARÍAS DE IGUALDADE E PARTICIPACIÓN CIDADÁ, TURISMO E CULTURA E A FUNDACIÓN CAIXA GALICIA

• A CONCELLEIRA MARGARIDA VÁZQUEZ PRESENTOU ESTA MAÑÁ A ACTIVIDADE ACOMPAÑADA DA ARTISTA RECÉN CHEGADA DENDE CIDADE DO CABO

• CON ESTA INTERVENCIÓN BÚSCASE POR UNHA BANDA REHABILITAR MEDIANTE Á ARTE ESPACIOS URBANOS NON BARRIO TAN SIGULAR COMO O BARRIO DAS FLORES AO MESMO TEMPO QUE SE VISIBILIZA O PAPEL DA MULLER DENTRO DUNHA DISCIPLINA ARTÍSTICA MOI MASCULINIZADA

A Coruña, 11 de maio de 2009.- A Concelleira de Igualdade e Participación Cidadá, Margarida Vázquez presentou esta mañá a intervención que a artista urbana Faith47 realizará desde hoxe mesmo no barrio das Flores e coa que se perseguen dous obxetivos. Por unha banda rehabilitar mediante á arte espacios urbanos nun barrio singular, e por outra elexindo que fose unha muller recoñecida internacionalmente a protagonista desta acción dentro dunha disciplina artística moi masculinizada.

A rolda de prensa desenvolveuse nun ton optimista e desenfadado. En primeiro plano, Faith47 e Margarida Vázquez. Ao fondo, o muro que a artista sudafricana rehabilitará

Vista do lateral esquerdo do muro

A Concelleira estivo acompañada durante a presentación da propia artista quen comezará esta mesma tarde a preparar o muro no que vai intervir e que durante tres días estará traballando no mesmo.

Deste xeito e dende Cidade do Cabo chega á Coruña Faith47, unha artista extraordinaria cun talento que non pode ser engaiolado ou limitado. Dende os ladrillos ao lenzo, esta artista polifacética desprega a súa arte nas fábricas abandonadas, nas rúas secundarias e nos cotrosos centros das cidades. Na Coruña pintará un mural no Barrio das Flores, na rúa Petunias (diante do Polideportivo Municipal).

Faith47 busca o ton da tinta que vai directamente ao corazón. O seu traballo é una fixación, a fusión dos xestos máis intimamente fráxiles e sutís cunha escuridade crúa e violenta. Fluíndo dende as rúas ás galerías cun sentido intencional. Faith viaxa por todas partes a través da súa arte, pero vive en Sudáfrica, onde a terra é de cor vermello e o seu sangue síntese incómoda pero tranquilamente nerviosa. Declara que ela é de Sudáfrica ata a medula: "as miñas raíces están aquí, pero eu non creo no patriotismo. Sudáfrica, é un país moi complexo, que podería levar varias vidas entendelo. É moi fermosa, e a xente de aquí é moi dura, como ninjas, con grandes corazóns”.

A presentación contou con numerosos medios de comunicación pese ao alonxado do espazo escollido: a rúa Petunias do Barrio das Flores

Aínda que o traballo desta artista é unha expresión do seu proceso persoal, é un traballo de diálogo con quen a mira, aínda que o seu obxectivo non é comunicar, cuestionar ou desafiar aos que presencian a súa arte.

O programa MUAU (Museo Urbano de Arte Urbana) arrancou o pasado mes de abril e durante tres meses nos que as rúas e barrios, salas de exposicións, salas de cine, foros de debate e talleres da Coruña acollerán aos máis importantes artistas da arte urbana, os que están a redefinila a nivel internacional, mostrando outro xeito de crear, sempre coa rúa como elemento vertebrador e imprescindible do seu discurso. Tres meses nos que adultos, nenos e nenas están a asistir a intervencións nas rúas, exposicións, foros de formación con obradoiros, un ciclo de cine e actuacións musicais.

Un amplio programa de primera calidade que inclúe nomes de prestixio a nivel internacional que sitúan á Coruña como o epícentro da arte urbana a nivel estatal.

Pese aos pésimos pronósticos sobre o tempo na Coruña, a primavera saudou Faith47 motivándoa aínda máis de cara á súa creación

comeza o festival Paralelo 43º 21' 45''

2010-05-09T11:09:00.007+02:00

Da Praza das Conchiñas ao ceo...

No día de onte, sábado 8 de maio, comezou a andadura do Festival Paralelo 43º 21' 45'' do que xa vos fomos falando AQUÍ mesmo.

Desde logo, o tempo non acompañou moito, pero a xente do barrio si. Proba disto, quedan aquí unhas fotos tanto do concerto que pola mañá deron Tumbalobos e Xurxo Souto, así como algúns dos escaparates que forman parte deste festival artístico.

Exposición de pintura (Entrepeñas)

Exposición de fotografía (Entrepeñas)

Cartelería por todo o barrio

Público asistente ao concerto da mañá

Non hai truco. Había moita xente, especialmente tendo en conta que pola mañá adóitase facer a compra ou preparar a marcha do fin de semana aos múltiples contornos rurais de procedencia de moitas veciñas e veciños da Agra

O escaso verde do barrio loce esplendoroso nas Conchiñas

Pequenas asistentes

O incansable Xurxo Souto.....parteu!!!!!

Faith 47, a potencia das cores e da terra

2010-05-05T17:53:00.000+02:00

A Concellaría de Igualdade e Participación Cidadá da Coruña está presente no MUAU de diferentes formas. Por unha banda, activando procesos participativos como o que levou ao artista El Niño de las Pinturas (Granada) a actuar no barrio do Ventorrillo xunto con artistas locais, como puidestes ver AQUÍ. Nos próximos días daremos conta doutro proceso participativo que se vai desenvolver na nosa cidade dentro das actividades do MUAU e que, pensamos, dará moito que falar.

Por outra banda, desde Igualdade pretendemos dar un pulo a unha artista internacional que está a chamar a atención nunha modalidade artística onde predomina unha masculinización evidente. Esta artista é Faith 47 (Sudáfrica).

Faith47, a potencia das cores e da terra

O MUAU atravesa África para invitar a unha artista extraordinaria que trae a Galicia un talento que non pode ser engaiolado ou limitado. Ela é Faith47. Dende os ladrillos ao lenzo, esta artista polifacética desprega a súa arte nas fábricas abandonadas, nas rúas secundarias e nos cotrosos centros das cidades. Na Coruña pintará un mural no Barrio das Flores, na rúa Petunias, a partir da próxima semana. Estamos convocados a vela traballar todas e todos aqueles que queiramos comprobar que a obra de arte e o seu emprazamento poden estar perfectamente imbricados.

+INFO

Neste muro do Barrio das Flores intervirá artísticamente Faith 47. A arte como rehabilitación e, ao mesmo tempo, reivindicación

Presentación do festival Paralelo 43· 21' 45'' ante os medios

2010-05-05T12:04:00.007+02:00

O vindeiro 8 de maio arranca proxecto Paralelo 43º 21’ 45’’ para a promoción do comercio da Agra do Orzán

 NACE CÓ OBXETIVO DE ACHEGAR A ARTE Á SOCIEDADE, E O MESMO TEMPO DINAMIZAR O BARRIO AXUDANDO A INTEGRAR A SOCIEDADE NO ENTORNO DAS SÚAS NECESIDADES, TANTO DE OCIO, CULTURA E EXPRESIÓN ARTÍSTICA COMO DE PROMOCIÓN DOS SEUS NEGOCIOS E TRABALLOS

 ESTÁ ORGANIZACO POLOS COLECTIVOS ARTEU, BGR E 5CÉLULA ARTE E COMUIDADE COA COLABORACIÓN DAS CONCELLARÍAS DE IGUALDADE E PARTICIPACIÓN CIDADÁ, CULTURA, E MOCIDADE, SOLIDARIEDADE E NORMALIZACIÓN LINGÜÍSTICA

A Coruña, 5 de outubro de 2009.- As Concelleiras de Igualdade e Participación Cidadá, Margarida Vázquez, de Mocidade, Solidariedade e Normalización Lingüística, Ermitas Valencia, e de Cultura, María Xosé Bravo, presentaron esta mañá o Proxecto Paralelo 43º 21’ 45 ‘’ organizado polos colectivos Arteu, BGR e 5Célula Arte e Comunidade para a promoción do comercio da Agra do Orzán a través da arte e no que participarán máis de 150 artistas.

A Agra do Orzán conta cunha zona habitacional e comercial moi ampla na que se desenvolve unha activa vida social, é un barrio tradicionalemente residencial de traballadores e de servizos, e entre a xente nova desenvolveuse unha grande capacidade creativa á que nos últimos anos hai que engadir as aportacións dunha población rica en diversidade cultural.

A matriz deste proxecto é a necesidade de achegar a Arte á sociedade, poñendo en contacto os creadores co público sen a intermediación tradicional (galerías, museos...). Coincide con isto que como veciños da Agra do Orzán, artistas e traballadores da cultura, estamos preocupados pola situación de crise do barrio e da súa xente.

Paralelo 43°21’45” A Coruña é un festival artístico creado dende a sociedade e para a sociedade, no barrio das Conchiñas- Agra do Orzán. O obxetivo matriz deste proxecto é a necesidade de achegar a arte á sociedade, poñendo en contacto os creadores co público sen a intermediación tradicional (galerías, museos...), así como buscar novos espazos públicos para a arte, dando novos usos a algúns xa existentes. Pero ao mesmo tempo, trata de dinamizar económicamente e de dar maior visibilidade a un barrio importante da cidade, formado por xente afable e traballadora, que actualmente está sendo moi castigado pola crise económica que afecta ao país. A arte pode axudar a integrar a sociedade entorno das súas necesidades, tanto de de ocio, cultura e expresión artística como de promoción dos seus negocios e traballos.

Este proxecto, unha proposta artística, nace có obxetivo de achegar a arte á sociedade, e o mesmo tempo dinamizar o barrio axudando a integrar a sociedade entorno das súas necesidades, tanto de de ocio, cultura e expresión artística como de promoción dos seus negocios e traballos.

Con esta finalidade realizarase, durante o mes de maio, un Festival composto por unha serie de eventos artísticos e culturais nos que participarán os veciños e veciñas do barrio dunha maneira innovadora, en locais pechados, no mercado das Conchiñas, nas rúas eprazas.

Achegarase a arte á sociedade e, será esa interacción cultura – cidadanía a que transforme o barrio nun foco artístico, económico e comercial atractivo para toda a cidade. O mes de maio convertirase deste xeito no paralelo 43º 21’ 45” da Coruña, nun Festival que iniciará un proceso firme de relación arte-sociedade.

No último mes fixéronse visitas aos establecementos da zona, convidándolles a unirse a esta iniciativa, así como ás diversas asociacións e ONGs do lugar. Tamén convocouse aos artistas plásticos e visuais, da música, poesía e artes escénicas. Finalmente contarase coa participación de máis de 40 establecementos (de roupa, carnicerías, froiterías, xoierías, bares…) e artistas, así como numerosas asociacións (Asociación de Veciños, Posición B Coruña, Cabo Verde, Asociación de Placeirxs, ACSUR, Sinonimo de Lucro, Aseser Teranga, Polaquia, Viraventos…) que colaborarán con obradoiros e participacións artísticas.

PROGRAMA

Exposicións de obras de arte de máis de 50 artistas noutros tantos establecementos da zona, dende o 9 até o 29 de maio. Participan artistas recoñecidos no país como Yolanda Dorda, Manel Cráneo, Miguel Melero... con outros menos coñecidos, con diversidade de medios, comics, pintura, fotografía, video, pirogravado, escultura... e diversidade cultural, internacional poderiamos dicer. Entre os establecementos hai tendas de roupa, froiterías, farmacias, ópticas, fotocopiadoras, talleres mecánicos, bares, etc. A idea é que as obras de arte convivan coas mercadurías e así a xente poda atoparse con elas na súa cotidianeidade. Non será preciso visitar un museo ou galería para poder ver obras de arte.

Realizaremos un catálogo electrónico coa obra e biografía dos artistas, que será accesible na web www.arteu.es

Diversas actividades culturais programadas en 4 SÁBADOS:

8 DE MAIO: Artes musicais.

15 DE MAIO: Artes literarias.

22 DE MAIO: Artes escénicas.

29 DE MAIO: Artes plásticas e visuais.

8 DE MAIO: Artes musicais.

Durante todo o día haberá concertos na rúa e en locais pechados, con grande diversidade de xeitos de entender a música, dende o acordeón de Xurso Souto até o reggae de Pinnacle, dende a orquesta de música tradicional até a música que aportarán colectivos de inmigrantes con rap e hip hop.

No palco da praza das Conchiñas actuarán, dende as 11.30 ata as 15 horas e de 18 a 21 horas. Actuarán Los del Sur, Tumablobos, Xurxo Souto, Axlubi-X, Papis Diao e Pinnacle.

Tamén haberá concertos acústicos a partir das 21.30 na Colmena da man do grupo do barrio “Fresquiños” (cajón flamento, armónica e guitarras) e na Xesta Chamito Flako e o rock de “Equilibrio”, rematando coa seisión de DJs en Tsunami a partir das 23 horas.

15 DE MAIO: Artes literarias. A xente poderá achegarse a poesía da man de poetas e poetisas. Consistirá en dous recitais poético-musicais.

“O MERCADO DA POESÍA”: no mercado das Conchiñas oiránse as fermosas voces de Eva Veiga, María Lado, Francisco F. Naval (recentemente galardonado co premio Fiz Vergara), e moitos outras, tal vez menos coñecidas como son as do grupo “Os diversos” (Mon, Mercedes Molares, Concha Parga...), ou Maruxa Martínez Baleirón. Comezará ás 11.30 e estará acompañado polas guitarras de César Morán e Ruben Barros e a flauta de Dubi Baamonde. Os poemas tamén serán repartidos por praceiros/as en octavillas de cores xunto cos recibos de compa.

Por volta das 8 do serán, tocara-lle o turno ao recital “SLAM PROPOLIS”, no final da rúa Barcelona, no que participarán catro poetas e poetixas: Nico, Aurora Abelaidas, Ramón Charliú e Papis Diao, acompañados da Danza Duende de Cristina Morán. A ambos eventos están invitadas voces espontáneas.

22 DE MAIO: lle tocará sair á rúa a as Artes escénicas. Será un día de moita animación, adicado fundamentalmente aos máis pequenos:

Comezará o día da man de Zezilia Meléndrez e os seus contos no Mercadodas Conchiñas. Xa pola tarde se poderá asistir ao desafío teatral entre os grupos Manicómicos e Bambú Teatro na praza das Conchiñas.

As 18,00 hrs haberá unha sesión de teatroterapia impartida por Victoria Teijeiro no local dos Manicómicos, prazas limitadas. Durante todo o día haberá xogos infantís interculturais que organizarán a Asociación Viraventos

29 DE MAO, tal vez sexa o día no que se xunten máis actividades, xa que é o día das artes plásticas e visuais.

ARTES PLÁSTICAS

Catro carpas acollerán 6 obradoiros plásticos de 11.30 a 14.00 e de 17 a 20 horas. Todos teñen prazas limitadas. Impartidos polos/as artistas, de balde.

Gravado: Impartido por Ali Ali, artista sirio afincado en Galicia dende hai varios anos. Todo aquel/a que queira poderá achegarse e aprender a realizar unha punta seca en prancha de metal. Público: xeral (a partir de 8 anos máis ou menos) .

Batik: Impartido por Olga Gorvunoba, artista rusa, que vive na actualidade en Compostela. Ensinará a quen o desexe a ralizar fermosos panos de seda pintada. Público: xeral (a partir de 8 anos máis ou menos).

Pintura para nenos/as. Impartido por Ana Castiñeiras, artista galega que guiará aos rapaces e rapazas para realizar murais con pinturas de dedos, ceras, tizas e plastilina. Será durante a mañán, e pola tarde se exhibirán as obras dos alumnos/as.

Bisutería de reciclaxe, con Paula Tomé, artista galega, que coas máns de nenos/as transformará periódicos vellos en hermosas contas de bisutería.

Obradoiro de broches de feltro, da man de Alba Pardo, para público en xeral.

Ise mesmo día, pola tarde haberá unha exposición das obras dos artistas que imparten os obradoiros para a súa promoción.

Haberá ademáis unha mesa co libro “O teu barrio ideal”, no que se recollerán suxerencias para trasladar despois ao Concello.

ARTES VISUAIS

Proxeccións de cortos e mediametraxes en locais pechados: No Mercado das Conchiñas: O documental O soños do Mar de Daniel López proxectarase no mercado das Conchiñas o día 29 de maio, ás 12 da mañá.

Posición B: O día 29, ás 13 horas, realizaranse proxeccións de super 8, a cargo de Fernando Pujalte. Xa pola tarde, a partir das 20 horas dará paso á proxección de diversos cortos e mediametraxes, O Laberinto Ario de Alfredo Pardo Hermida, (m)2 de Xosé Abad de Sandra G. Rey, Elixido de Chema Gagino (premio corto mestre mateo 2009), Nemo, de Alen Filmes (Premio Mestre mateo 2008 por mejor obra experimental), e outros Caamaño Castro e Nani Matos.

Bares e outros locais. Unha compilación de videos que non sobrepasan os 10 minutos, de autores como Miguel Mariño, Caamaño Castro, Sandra G. Rey, Xacobe Meléndrez Fassbender, Esther Amil, Lorena Terrón (mención de honra galiza crea 2008) ou Elizabeth Ross (cun video realizado para a ocasión), se proxectará nas televisiones de Natexx, La Colmena, Estudio Imaxe, O Triskel, Rincón de Cabo Verde, Vinoteca D’Loren, O Lagar e no Bar do Mercado das Conchiñas, en calquera momento do día ou da noite.

Proxección na rúa. A mesma compilación de videos proxectarase o día 29 ao anoitecer no fondo da rúa Barcelona, sobre o baixo dun edificio. Todos estos videos foron expresamente cedidos polos seus autores e autoras para a súa proxección no festival.

3. Outras actividades PLÁSTICAS E VISUAIS do día 29:

Ao fondo da rúa Barcelona, ás 17 horas,demostración de “pulpo reggae sound”, demo de graffiti con DJ a cargo de Jacobo Jaspe. En Posición B, ás 18 horas, charla de anime experimental, con David Pazos e Mariña Eiroa, á que seguirá as sinaturas de fanzines de Sinónimos de Lucro, Manel Cráneo e Mariano Casas. Nas carpas da praza das Conchiñas se disporá un libro de suxerencias “O teu barrio ideal”, que serán transmitidas ao Concello ao finalizar o festival.

Paralelo 43 e MUAU: arte na rúa

2010-05-02T11:45:00.007+02:00

Obra de Momo no Obelisco

Son dúas actividades moi diferentes as do MUAU e as do Paralelo 43· 21' 45''. Unha, a primeira, procura experimentar cos conceptos de museu aberto e espazos urbanos. A arte, a urbana, é vista aquí como elemento rehabilitador de espazos `para compartir. Outra, Paralelo 43, procura a rehabilitación comercial dun barrio cada vez menos periférico, o da Agra, aproveitando a explosión cultural que protagonizan en moitos casos veciños e veciñas do propio barrio xunto con artistas de toda a cidade.

As dúas actividades contan por isto co apoio decidido da nosa Concellaría. Xa nos diredes qué tal vos parecen-pareceron!!!

Un exemplo da unión de arte+comercio+rehabilitación urbana atopámolo nesta obre de Rubén Prieto ubicada ao final da rúa do Orzán.

Queda aquí un enlace ao blog deste artista coruñés onde describe o proceso creativo deste mural:

Blog Surf na Costa da Morte

Saúdos, Rubén, e noraboa!!!!

Portada da guía Go do mes de maio

2010-04-30T19:11:00.005+02:00

Como dicía o amigo Xurxo......ASPECTACULAR!!!!!!!

Interior da revista

Consultar máis páxinas da revista AQUÍ.

Consultar sobre Festival AQUÍ.

Agradamos vervos pola Agra!!!!!

Paralelo 43· 21' 45''

2010-04-30T18:26:00.005+02:00

Aquí vos deixamos o cartel, programa de actividades e localización destas dentro do Festival artístico Paralelo 43· 21' 45'' que se desenvolverá os sábados de maio no barrio da Agra, nomeadamente arredor da Rúa Barcelona e Praza das Conchiñas.

Comeza a promoción do camiño inglés ao seu paso pola Coruña

2010-04-29T18:31:00.003+02:00

Quique Tello, Primeiro Tenente de Alcalde do Concello da Coruña e Concelleiro de Promoción Económica e Turismo, acompañado das concelleiras de Cultura, María Xosé Bravo, e Igualdade e Participación, Margarida Vázquez, así como representantes do Consorcio do Camiño Inglés, iniciou o percorrido pola Coruña que, partindo da Igrexa de Santiago, como non podía ser doutra forma, pasa pola Praza de María Pita, Rúa Real, Linares Rivas, Monelos, Eirís, ata chegar a Culleredo para dalí continuar ata Santiago de Compostela: o Camiño Inglés da Coruña, ata o de agora apenas reivindicado.

A tal efecto, o Consorcio de Turismo preparou un despregable onde os visitantes que se acheguen á nosa cidade aproveitando a celebración do Xacobeo, obxectivo de varias das campañas xa en marcha deste Consorcio coruñés, poderán coñecer algunh das marabillas urbanísticas e civís que agocha a nosa cidade. Mañá venres, encontro en Santiago de Compostela de representantes de varias destas iniciativas.

Primeiro Foro de Novomesoiro. Crónica

2010-04-25T12:00:00.006+02:00

Onte celebrouse o primeiro Foro de Novomesoiro con grande afluencia de veciños e veciñas que acudiron con gana de escoitar e facerse escoitar.

Despois dunha breve introdución da Concelleira de Igualdade e Participación Cidadá, Margarida Vázquez, todas as persoas presentes dividíronse en grupos dunhas sete persoas cada un para poder traballar e poñer en común posteriormente o resultado dese traballo con máis facilidade.

Os participantes no Foro contaban cunhas fichas onde indicar a actividade que querían que se desenvolvese no Centro e, ao lado, a motivación desta proposta. Cada grupo designou unha persoa para exercer a Portavocía e, ao cabo dunha hora, o traballo destes grupos foi posto en común no plenario. Despois dunha quenda de intervencións desde o público, pasouse a pechar este primeiro Foro coa boa nova de que prácticamente todas as persoas que se achegaron onte ao Centro Cívico e Social de Mesoiro quedaron apuntadas para posteriores encontros dun Grupo de Traballo que será o encargado de efectivizar estas propostas, isto é, de aclarar definitivamente qué actividades, cándo e cómo se desenvolven.

Margarida Vázquez aclarou, ao remate, algúns aspectos do que será o funcionamento da Ludoteca e comprometeuse a efectivizar as demandas veciñais expostas durante o Foro. A Directora do Centro, Beatriz Chas, e a Técnica de Participación, Ana Enríquez, non podían ocultar a súa satisfacción sobre cómo se desenvolvera esta actividade. Un barrio exemplar e uns veciños e veciñas con ganas de crear dinámicas sociocomunitarias tan necesarias nun barrio tan novo coma este. Noraboa.

MOMO, a orixinalidade e o contraste no centro de Coruña

2010-04-23T11:03:00.003+02:00

O MUAU segue o seu camiño cun acompañante moi especial e atractivo: MOMO. O Atlántico non é impedimento ningún cando se quere compartir arte. Entre charlas, obradoiros, exposición e concertos, poderemos descubrir a MOMO no centro da Coruña, rodeando o Obelisco cunha obra inédita, montada con materiais orixinais, na que despregará as cores e as formas xeométricas que a fan tan peculiar. Contraste e diverxencia á man de todos e todas a partir das 12 horas do próximo venres 23 no Obelisco da Coruña.

Esta semana o Museo Urbano de Arte Urbana (MUAU) continúa as súas actividades de formación e debate coa terceira charla-coloquio das Xornadas de Arte Urbano. Coma a semana pasada este foro de formación terá lugar no Forum Metropolitano do Concello da Coruña, que impulsa as actividades que se realizarán neste espazo.

Na charla-coloquio deste xoves 22 de abril o tema de discusión será a ética e a creación artística. E sobre el debaterán Nano4814, artista que abrangue campos creativos diversos coma o deseño, a ilustración, as intervencións na rúa e o labor en galería; Xabier Ballaz, que forma xunto con Edu Crespo o Colectivo Difusor, de Barcelona, que impulsa proxectos para promover a apropiación colectiva dos espazos públicos e María Natividad Bermejo, logroñesa residente en Pontevedra, onde dá clases na Facultade de Belas Artes.

As charlas-coloquio son de de balde e realízanse todos os xoves do mes de abril a partir das 20 horas.

O MUAU ten o pracer de contar co Estudio Alavista como invitado para dirixir o próximo obradoiro das Xornadas de Arte Urbana. O Estudio Alavista, da Coruña, está formado por Leo e Sekone, que conforman un equipo vangardista que usa o deseño, a ilustración e a rotulación como ferramentas artísticas.

Alavista impartirá o obradoiro dos próximos venres 16 e sábado 17. Aínda hai prazas libres para aquelas persoas ás que lles interese o traballo co aerosol e a vertente máis realista do graffiti.

Os obradoiros, aos que previamente hai que inscribirse realízanse todos os venres e sábados do mes de abril e o primeiro sábado de maio. O horario dos venres é de 16.30 a 20.30 horas, e o do sábado é de 10 a 14 horas e de 16.30 a 20.30.

Os concertos do MUAU 12.0

E como non nos chega coa pintura, probamos tamén coa música. Este Museo Urbano de Arte Urbana invítavos a gozar da música de Jane Joyd de paso que contemplamos as obras de Exposición Posgraffti, xeometría e abstracción. A invitación é literal: quen queira escoitar a esta artista versátil e intensa so ten que achegarse á sede da fundación Caixa Galicia para recoller a súa invitación. Un son fresco e actual achegado ás emocións e raíces americanas escoitarase nesa sede o próximo martes 27, as 21 horas. E é so o principio da música no MUAU.

+INFO

+INSCRICIÓNS

Primeiro Foro de participación veciñal de Novomesoiro

2010-04-22T14:30:00.000+02:00

FORO DE PARTICIPACIÓN VECIÑAL NO BARRIO DE NOVO MESOIRO

2010-04-20T13:47:00.002+02:00

Este proceso busca favorecer a vertebración e cohesión da poboación que reside no barrio de Novo Mesoiro. Pretende facer isto activando “momentos” de diálogo comunitario, abertos á participación de calquera persoa interesada, e, desde logo, implicando ás asociacións e axentes comunitarios máis activos.

Para motivar a participación o proceso aproveita a próxima apertura do Centro Cívico e Social de Novo Mesoiro buscando visualizar a utilidade dos seus resultados para a comunidade. Deste xeito, o diálogo buscará identificar propostas de consenso acerca das actividades e funcións que debe desempeñar o Centro; na medida en que un dos seus obxectivos é favorecer a integración e participación da sociedade no barrio.

Data de celebración: 24 de abril de 2010. Horario: 10,30 a 13,00h.

Lugar: Centro Cívico e Social de Mesoiro.

Proceso de difusión previo:

Difusión dunha carta de convocatoria (a través de buzoneo a todos os fogares).

Colocación de cartelería en locais.

Contactación coa xente entrevistada.

Estruturación do Foro:

10,30 a 10,45 h. Recepción de visitantes.

10,45h a 11,15 h (30' aproximadamente). 1ª fase.

Benvida a cargo da Concelleira de Igualdade e Participación, e explicación do obxectivo e estruturación do Foro por parte do equipo técnico (localización: no salón de graos).

11,15 a 12,00 h (45' aproximadamente). 2ª fase.

Traballo en pequenos grupos. Serán grupos compostos, como máximo, por 10 persoas. Se o número de asistentes non é superior ás 80 persoas, poderían distribuírse polas aulas contiguas. En caso contrario, estarían localizadas no salón de graos, aproveitando a facilidade para mover as cadeiras. O obxectivo será que cada pequeno grupo debata cales son as necesidades que debera cubrir con maior prioridade o Centro Cívico e Social e remate este debate identificando actividades concretas (trátase de non dedicarse simplemente a “listar” actividades). Cada grupo elixirá un voceiro ou voceira. Como material de apoio, entregarase a participante un dossier de apoio e unha ficha para que apunte as necesidades e actividades que identifique.

12,10 h a 13,00h (1h aproximadamente). 3ª fase.

As persoas participantes volven ao salón de graos (ou colocan as sillas para un plenario). Saen á mesa os voceiros ou voceiras de cada grupo e expoñen as conclusións de cada grupo. A continuación, unha das pesoas que leva a coordinación técnica fai unha síntese do exposto e se pasa a un turno de palabras aberto.

Finalmente, solicítase ás perosoas que asisten que se inscriban, se teñen interese, para ser convocados nun grupo de traballo posterior ao Foro; que terá como misión priorizar (decidir que debera ir “primeiro”) e dar forma final (contidos máis interesantes, horarios máis axeitados, etc.) ás propostas de actividae, en función das necesidades previstas (a través dunha ou dúas xuntanzas máis).

Rede de Centros da Concellaría de Igualdade e Participación Cidadá

2010-04-18T13:56:00.001+02:00

A Concellaría de Igualdade e Participación Cidadá dispón actualmente, para o desenvolvemento das súas políticas, de toda unha Rede de Centros especializados ao que se engadiron recentemente novas unidades.

En primeiro lugar, na Rúa Hortensias s/n do Barrio das Flores, o CIM-Centro de Información ás Mulleres oferta unha completa atención que comprende os apartados xurídico, psicolóxico e laboral. A maiores disto, desde estas instalacións desenvólvense diferentes programas de coeducación -obradoiros de Igualdade para o programa "Aprender en Coruña"-, corresponsabilidade, conciliación -o programa "Concilia os teus tempos" que comprende o Servizo de atención á infancia, o Banco de tempo e o Plan de programación do tempo-, programas de integración para poboación inmigrante extracomunitaria -Programa ADA- e moitas das actividades formativas e conmemorativas tanto do 8 de marzo como do 25 de novembro.

Desde o Centro Municipal do Birloque, de recente apertura, desenvólvense programas de reforzo do entramado asociativo, voluntariado -Mediación Veciñal- e Orzamentos Participativos. Tamén é un referente á hora de xestionar os contidos da nosa web de Igualdade e Participación Cidadá de moi próxima aparición.

O Centro Cívico e Social de Mesoiro, tamén denominado Centro Cívico de Novomesoiro, cunha xestión novidosa compartida entre a nosa Concellaría e a de Srvizos Sociais, conta cun espazo para a conciliación como é a súa Ludoteca ademais de desenvolver políticas de Participación Cidadá e de relación co entramado asociativo máis próximo. Para isto, levamos desenvolvido unha campaña participativa en continuo contacto cos veciños e veciñas da zona e que culminará o próximo sábado 24 de abril coa realización do I Foro Veciñal de Novomesoiro de cara á programación das diferentes actividades deste Centro.

De cara ao próximo ano está previsto inaugurarse un complexo na Agra do Orzán ao abeiro do URBANA-C da Unión Europea, que incluirá un Centro de Día, unha Escola Infantil e a Casa das Mulleres, un espazo duns 800 metros cadrados entendido como centro de referencia para a documentación e as novas tecnoloxías para as políticas de Igualdade. Este complexo estará ubicado na urbanización do Parque da Agra.

Por outra parte, a Concellaría de Igualdade e Participación Cidadá conta cunha Rede de Acollemento para a atención de mulleres vítimas de violencia de xénero e/ou en especiais dificultades. Unha Casa de Acollida, tres pisos tutelados e unha vivenda con apartamentos forman parte desta completa Rede.

A estes Centros hai que sumar a oficina que a nosa Concellaría xestiona desde o Palacio Municipal de María Pita para aplicar políticas de proximidade cos cidadanía e os tres espazos cedidos polas Concellarías de Promoción Económoca e Emprego e Servizos Sociais no Centro de Formación e Emprego, no Centro Cívico do Castrillón e no Centro Cívico de Monte Alto onde se está desenvolvendo o noso Servizo de atención á infancia, ao que se vai sumar un novo espazo no Centro Social da Sagrada Familia.

Toda unha Rede e toda unha responsabilidade.

Finaliza a intervención de El Niño de las Pinturas no Ventorrillo

2010-04-17T10:52:00.003+02:00

Aínda quedan pendentes algúns flecos, pero a parte do mural do Ventorrillo que corresponde a El Niño de las Pinturas rematou onte coa inclusión dun elemento que forma parte do escudo da Coruña e que a El Niño atraíu especialmente: a calaveira de Xerión. Unha reinterpretación da nosa historia mítica a partir do escudo da Coruña e da historia de Crunia:

Intervención artística de El Niño de las Pinturas e artistas locais no Ventorrillo

2010-04-15T21:57:00.010+02:00

Dentro das actividades paralelas á programación do MUAU, a Concellaría de Igualdade e Participación Cidadá, coa imprescindible colaboración da Concellaría de Medio Ambiente e a Concellaría de Seguridade Cidadá, organizou unha intervención artística de El Niño de las Pinturas (Granada) nunha obra colectiva realizada xunto con artistas locais como MUS, FLECHA, IVÁN e AISER dentro do barrio do Ventorrillo, máis concretamente na rúa Alcalde Salorio Suárez número 19, xunto á cancha de tenis e o Bar Baio. Durante toda a xornada, foron varios os medios de comunicación escritos e audiovisuais que se aproximaron a esta intervención. Un privilexio para este barrio e esta cidade, como podedes comprobar nesta reportaxe fotográfica dunha obra que se rematará mañá.

Plano central

Vista lateral dereita

Recorte da parte do mural realizada por El Niño de las Pinturas

Escaleira prestada polos veciños para axudar aos artistas

Vista do lateral dereito, pendente de remate no día de mañá

De esquerda a dereita, IVÁN e MUS, artistas locais que colaboraron na realización desta obra

Armas de construción masiva......

Revista de prensa da rolda de presentación de Posgraffiti, xeometría e abstracción

2010-04-15T12:58:00.005+02:00

Posgraffiti, xeometría e abstracción na sede da Fundación Caixagalicia

2010-04-14T12:58:00.009+02:00

A sala de prensa da Fundación Caixa Galicia acolleu a rolda de prensa de presentación da exposición ‘Posgraffifi, xeometría e abstracción’, unha actividade enmarcada no MUAU (Museo Urbano de Arte Urbana) que estes días se celebra na cidade, organizada polo Concello da Coruña en colaboración coa Deputación da Coruña e a Fundación Caixa Galicia.

Ao acto asistiron a concelleira de Igualdade e Participación Cidadá do Concello da Coruña, Margarida Vázquez, a concelleira de Cultura, María Xosé Bravo, a directora da Fundación Caixa Galicia, Teresa Porto, o comisario da exposición, Javier Abarca, e o tamén comisario e coordinador do Festival, Xulio Vázquez.

Na rolda de prensa informouse polo miúdo dos contidos que se exhibirán nas salas da Fundación Caixa Galicia (terceiro andar) ata o mes de xuño, un percorrido inédito polas diferentes formas, épocas e tendencias da arte urbana que inclúe traballos e imaxes dalgúns dos máis importantes creadores deste eido.

Algunhas das intervencións que se poden visitar desde mañá na Fundación Caixagalicia:

Dentro da sala de exposicións poderedes interactuar coas diferentes pezas creadas por Eltono para o espazo urbano coruñés da rúa do Orzán. Unha experiencia de rehabilitación pola arte coincidente coas obras de peonalización como rehabilitación urbana. Sen ningunha dúbida, segundo indicou o comisario da exposición Javier Abarca, unha das actuacións máis importantes de toda a vida creativa de Eltono. As seguintes fotografías dan unha mostra do resultado final:

Actividades do MUAU para esta fin de semana

2010-04-14T08:46:00.004+02:00

Niño de las Pinturas. Granada.

O MUAU do 14 ao 17 de abril

Esta semana o Museo Urbano de Arte Urbana (MUAU) continúa as súas actividades de formación e debate coa segunda charla-coloquio e os segundos obradoiros. Coma a semana pasado este foro de formación terá lugar no Forum Metropolitano do Concello da Coruña, que impulsa as actividades que se realizarán neste espazo.

As charlas-coloquio son de acceso libre e realízanse todos os xoves do mes de abril; e os obradoiros, aos que previamente hai que inscribirse AQUÍ, realízanse todos os venres e sábados do mes de abril e o primeiro sábado de maio.

Na charla-coloquio deste xoves 15 de abril debaterase sobre a arte na rúa como rexenerador social. Asisitirán Jesús Pedro Lorente, profesor da Universidade de Zaragoza e especialista en arte contemporáneo e arte na rúa, El niño de las pinturas, de Granada, que xunto con outros lugares coma Amsterdam, NY, Venezuela..., teñen a súa marca suxerinte e reflexiva e Marco Marchioni, italiano, experto en desenvolvemento comunitario.

No obradoiros do próximo venres 16 e sábado 17 traballaranse coñecementos e técnicas para aplicar escalas e traspor as obras dos bosquexos aos muros. Será impartido por El niño de las pinturas.

Niño de las Pinturas. Granada.

As biografías dos participantes están dispoñibles AQUÍ.

Eltono na Coruña

2010-04-13T11:10:00.005+02:00

A nosa cidade conta esres días co privilexio da presenza do artista urbano Eltono (ver AQUÍ unha das súas actuacións máis recentes), quen realizou unha intervención urbana no centro da Coruña, na zona do Orzán,e que hoxe retira estas pezas para que formen parte da exposición que pasado mañá, xoves, se inaugura na Fundación Caixagalicia. Podedes coñecer todo o que se coce arredor deste artista e da súa presenza na cidade no Diario de Eltono no MUAU.

I Foro sobre conflito, acoso e violencia nas relacións veciñais

2010-04-11T10:51:00.005+02:00

A Comisión municipal de seguimento e mediación dos casos de conflito, acoso e violencia veciñal de Vilagarcía de Arousa organizou onte, 10 de abril, unha Xornada-Foro no que participou como ponente Margarida Vázquez, Concelleira de Igualdade e Participación Cidadá do Concello da Coruña. Durante o desenvolvemento da Xornada os asistentes puideron coñecer de primeira man diferentes prácticas de mediación que se están a desenvolver en Euskadi ou Cataluña, Comunidade esta última sinalada á hora da posta en marcha deste tipo de medidas. Por parte galega, falouse tanto da posta en marcha desta experiencia en Vilagarcía de Arousa como a súa inminente implementación na Coruña como programa de voluntariado social impulsado pola área de Participación Cidadá.

Programa completo do Foro

Temas como o acoso veciñal, a violencia na sociedade moderna, a diversidade dos conflitos, as súas causas, tipoloxía, traballos de prevención foron desenvolvéndose con gran naturalidade por cada un dos e das ponentes da xornada de mañá. Pola tarde, a partir das 16:30, veu a quenda das propostas prácticas de mediación, onde se comentaron as experiencias de Euskadi no Bizilagun, de Cataluña, co Servizo de medición dos xulgados de Baix Llobregat, de Santiago de Compostela a partir da experiencia da asociación AGAMIX-Asociación Profesional Galega para a Mediación e a Igualdade de Xénero e, por último, da Coruña, cunha proposta de mediación que supón unha parte importantísima de negociación e intervención social e socio-comunitaria máis que de arbitraxe, como foi no caso doutras experiencias comentadas. En próximos días trataremos este programa coa extensión e profundidade que se merece.

Vídeo oficial promocional do MUAU

2010-04-07T13:53:00.005+02:00

Deixámosvos aquí o vídeo promocional oficial do MUAU, así como uns enlaces onde recollemos o impacto nos medios de comunicación da presentación de onte.

Voz de Galicia
El País
Xornal
Opinión A Coruña

Presentada a programación completa do MUAU

2010-04-06T12:43:00.003+02:00

Entrar no MUAU AQUÍ

Hoxe presentouse a programación completa do MUAU, que se celebrará na Coruña durante os meses de abril, maio e xuño. Durante a rolda ante a prensa, María Xosé Bravo, Concelleira de Cultura do Concello da Coruña, Fernando Prieto, da Fundación CaixaGalicia, Xulio Vázquez, de Deica Management e Quique Tello, Primeiro Tenente de Alcalde da Coruña, expuseron e valorizaron o conxunto de actuacións e actividades que se desenvolverán na Coruña os próximos tres meses. En concreto, Fernando Prieto considerou que a nosa cidade pasaba a ser a capital estatal da arte urbana sen ningún xénero de dúbida. A Concelleira de Igualdade e Participación Cidadá, Margarida Vázquez, asistiu como concellaría colaboradora dunhas actividades que se desenvolverán entre maio e xuño e das que xa vos falaremos.

Intervención de Quique Tello

Seguiremos moi pendentes destas xornadas interdisciplinares.

INTERCULTURALIDADE E INTERRELIXIOSIDADE NO S. XXI. CULTURAS E RELIXIÓNS, DA VIOLENCIA AO DIÁLOGO

2010-04-06T09:01:00.005+02:00

O próximo luns 12 de abril, a partir das 17:30 horas, darán comezo nas instalacións do CIM-Centro de información ás mulleres do Concello da Coruña, sito na Rúa Hortensias s/n, no Barrio das Flores, as xornadas sobre "Interculturalidade e interrrelixiosidade no século XXI. Culturas e relixións, da violencia ao diálogo", que, organizadas polo Seminario Galego de Educación para a Paz en colaboración coas tres universidades galegas, se desenvolverán os días 12-14-15/19-21-22/26-27-28-29 de abril, sempre en horario de 17:30 a 20:00 horas

PROGRAMA DAS XORNADAS

MATRÍCULA A TRAVÉS DA PÁXINA: www.sgep.org

TELÉFONOS INFORMACIÓN: 981 554 053 (SGEP) / 981 224 915-679 378 319 (Victorino Pérez) .

É IMPORTANTE QUE TEÑADES EN CONTA QUE O PRAZO DE MATRICULACIÓN ESTÁ POR PECHARSE ESTES DÍAS, POLO QUE SE ESTAS XORNADAS SON DO VOSO INTERESE, RECOMENDAMOS QUE VOS POÑADES EN CONTACTO XA COA ORGANIZACIÓN PARA CONFIRMAR A VOSA PRESENZA.

Margarida Vázquez destaca as dificultades para implementar unha cultura de participación entre o conxunto das partes implicadas no proceso

2010-04-03T12:48:00.008+02:00

O día de hoxe é un día especial para os medios de comunicación impreso na nosa Comunidade Autónoma, xa que é un dos tres únicos días do ano en que non se publican nin se poden adquirir nos seus puntos de venda debido á festividade de venres santo, día non laboral para as e os xornalistas. Os exemplares publicados onte venres, 2 de abril, son os únicos dos que dispoñemos hoxe sábado, 3 de abril. Por isto, resulta para nós especialmente significativo que se dea conta en dous medios diversos de dous temas diferentes tratados pola nosa Concellaría.

Por unha banda, no Ideal Gallego, podemos ler unha completa información redactada por Ángela Fernández onde se destaca a inminente posta en marcha da Rede de Acollemento do Concello da Coruña, onde á actual Casa de Acollida sumaranse tres vivendas tuteladas para aqueles casos onde sexa máis necesaria e conveniente que estas mulleres vítimas de violencia conten cunha importante autonomía e independencia e, polo tanto, autoresponsabilidade exercida a respecto das súas propias vidas e das persoas, normalmente menoras, que as acompañan. Toda unha boa noticia da que daremos conta no seu momento.

Por outra banda, a Opinión da Coruña fai balance das políticas de Participación Cidadá destacando, como é de esperar sempre nun medio de comunicación a respecto do conxunto dos poderes públicos, aqueles aspectos aínda pendentes da súa posta en marcha, como son a nova división da Coruña en catro ou seis Distritos ou a posta en marcha do renovado Consello Social da Coruña. Neste longo artigo, Margarida Vázquez destaca as dificultades de implementar unha auténtica cultura de participación cidadá nunha cidade como A Coruña, se ben destaca os logros obtidos no que vai de mandato a respecto desta, como son o plan Urban, a Rede Coruña Emprega, a Mesa Sectorial de Comercio, o Foro de Participación ou o Foro da Mocidade, entre outros. Recomendámosvos, polo tanto, a leitura destes dous traballos e recordámosvos e respecto deste último aspecto que tedes aberta unha enquisa neste blog de Participación Coruña onde, precisamente, propoñemos expresedes a vosa opinión sobre se A Coruña conta actualmente cunha completa cultura de participación que abrangue a todas as partes implicadas ou, pola contra, esta cultura é máis matizable ou mesmo nula.

Importantes novidades nos nosos blogs Igualdade Coruña e Participación Coruña

2010-03-31T19:07:00.004+02:00

As persoas que habitualmente empregades os nosos blogs para informarvos das nosas actividades e de todo tipo de cuestións de interese en canto ás políticas de igualdade e participación notaríades o enorme cambio que se produciu na estética e na ubicación dos contidos dos nosos espazos virtuais adicados á igualdade e á participación: Igualdade Coruña e Participación Coruña.

Dúas son as principais motivacións para estes cambios tan profundos. En primeiro lugar, a cada vez maior cantidade de contidos que fomos desenvolvendo e o seu interese máis aló dunha actualidade concreta obrigábannos a posibilitar o posicionamento máis estático de determinada información que non perdía nunca actualidade, como é o Banco de Tempo, o Servizo de Canguros ou o Foro de Participación.

En segundo lugar, a inminencia na aparición da web corporativa da Concellaría de Igualdade e Participación Cidadá precisaba uniformizar a estética e a elección da información segundo o seu posicionamento, adecuándoas ao que será a estética base desta web. Agardamos a vosa opinión ao respecto.

Por último, destacamos a enquisa que temos aberta á esquerda da vosa pantalla. Aparte dos organismos que un Concello como o da Coruña debe poñer a disposición das e dos cidadáns para que estes poidan participar dos asuntos que lle son de interese, como, por exemplo, a creación de Foros, Mesas de concertación, vehículos de expresión para as suxestións e/ou queixas, ou todos aqueles espazos de debate e participación, nomeadamente nos grandes temas da nosa cidade, o que define realmente unha cidade en canto á calidade na participación cidadá está na CULTURA DE PARTICIPACIÓN que emane tanto da institución municipal como do conxunto da sociedade. A pregunta, pois, da nosa enquisa é se credes qie existe hoxe unha cultura de participación na Coruña. Agradecemos desde xa a vosa participación nesta enquisa.

A punto de pecharse o prazo para inscribirse no primeiro obradoiro do MUAU

2010-03-29T18:39:00.008+02:00

A organización do MUAU decidiu, atendendo á singularidade destes días de Semana Santa, prorrogar a data de inscrición no primeiro obradoiro ata o 6 de abril, pero tamén debemos lembrar que as prazas son bastante limitadas.

Estes obradoiros impartiranse no Forum Metropolitano, sendo o primeiro o que se celebrará os días 9, de 16:00 a 20:00 horas, e 10, de 10:00 a 14:00 e de 16:00 a 20:00 horas titulado "Iniciación ao stencil", impartido por Fragil, Barcelona.

En todo caso, para inscribirse ou informarse, ide AQUÍ.

ABERTO O PRAZO DE INSCRICIÓN NOS OBRADOIROS DAS XORNADAS DO MUAU 2010

2010-03-23T13:13:00.006+01:00

Entrar AQUÍ para inscribirse nos obradoiros ou para informarvos de todo o que conforman estas xornadas.

A partir de abril e durante tres meses, rúas e barrios, salas de exposicións, salas de cine, foros de debate e talleres da Coruña acollerán aos máis importantes artistas da arte urbana, os que están a redefinila a nivel internacional, mostrando outro xeito de crear, sempre coa rúa como elemento vertebrador e imprescindible do seu discurso.
Para investigar a fondo e facer arte teremos a oportunidade de asistir ás Xornadas de Arte Urbana, onde se xuntarán pintores profesionais e afeccionados, fotógrafos, investigadores, emprendedores… en charlas-coloquio e obradoiros. Frágil, El Niño de las Pinturas, Leo e Sekone do Estudio Alavista, e Javier Abarca son os artistas e expertos encargados dos obradoiros. É unha oportunidade única de aprender, compartir e experimentar con algúns dos mellores artistas da arte urbana. Se che interesa podes apuntarte ata o 31 de marzo.

Tes máis información AQUÍ.

Mulleres portadoras de cultura en Mercanatura

2010-03-18T18:51:00.005+01:00

Este próximo sábado 20 de marzo, entre as 10:00 e as 15:00 horas, celebrarase unha nova edición de Mercanatura, a feira do barrio dos Rosales para os produtos ecolóxicos, artesanais e naturais.

A novidade desta nova cita é que, entre as 11:00 e as 12:30 horas vai celebrarse no Centro Cívico do barrio o obradoiro "Mulleres portadoras de cultura", organizado pola nosa Concellaría e que imparte Etnoga, patrimonio cultural.

Este obradoiro parte do aproveitamento da exposición Mulleres, portadoras de cultura, que se pode visitar no Kiosco Alfonso ata o 4 de abril. Nel poderemos coñecer a visión da cultura que nos achegan as mulleres procedentes de Oceanía, África, América e Asia.

Se tedes interese en acudir, falade co Centro Cívico ou preguntade o mesmo sábado antes das 11:00 horas.

Gala-Homenaxe a María Luz Morales Godoy

2010-03-18T13:19:00.003+01:00

O próximo 26 de marzo, ás 20:30, no Teatro Rosalía de Castro, a Concellaría de Igualdade e Participación Cidadá presentará en auténtica primicia o documental de Óscar Losada "María Luz Morales: a gran señora da prensa". Esta muller coruñesa, que pronto disporá dunha rúa na Coruña que leve o seu nome, foi a primeira muller en todo o Estado español en dirixir un periódico. No seu caso trátase do diario barcelonés La Vanguardia. A súa historia, vencellada á guerra civil española, pode ser consultada AQUÍ.

Durante esta gala, presentada polo propio Óscar Losada, poderemos ademais gozar das pezas musicais que nos interpretará o grupo vigués LULAVAI. Seguro que vos sorprenden moi gratamente.

A entrada é completamente libre, ata completar aforo. Sede puntuais!!!!

Foto de Lulavai extraída de su página de Myspace. Para saber máis, AQUÍ.

Esta Gala poñerá fin ás actividades que a nosa Concellaría deseñou para conmemorar o 8 de marzo, día internacional das mulleres.

A participación cidadá nas sete grandes cidades

2010-03-17T14:54:00.004+01:00

En días pasados, un artigo de La Voz de Galicia realizaba un balanzo do que opina o asociacionismo da participación cidadá na súa cidade. Por suposto que é esta unha soa parte do conxunto que entendemos como participación cidadá, pero consideramos que pode ser do voso interese coñecer o que se pensa ao respecto nas sete grandes cidades galegas. Quédanvos a continuación estes dous enlaces:

Os concellos galegos incumpren a Lei de grandes cidades

Sete escenarios moi diferentes

Un ano xa.......

2010-03-17T09:44:00.004+01:00

Aquí vai un vídeo realizado polo noso equipo técnico para conmemorar un ano de actividades difundidas polos nosos blogs, especialmente o de Igualdade Coruña. Esperemos que vos guste!!!!

Ultimando os preparativos para a apertura do Centro Social do Birloque, dependente da Concellaría de Igualdade e Participación Cidadá da Coruña

2010-03-11T11:52:00.010+01:00

A Concellaría de Igualdade e Participación Cidadá ten previsto abrir nos próximos días un Centro Social no Birloque, onde se desenvolverán diversas actividades tanto de participación cidadá e veciñal como as propias da área de igualdade.

Debemos lembrar que este Centro, coñecido como CIAM (Centro de Información e Asesoramento ás Mulleres) dependeu durante moitos anos do Servizo Galego de Igualdade, recentemente finiquitado polos actuais xestores da Xunta de Galicia, e nel prestouse un servizo tan necesario como foi o asesoramento legal e psicolóxico a mulleres vítimas de violencia de xénero.

Acceso ao Centro desde a Avenida Glasgow (número 10), xusto ao lado da marquesina do bus urbano.

Durante o ano 2009, a nosa Concellaría conseguiu acreditar por vez primeira o novo CIM (Centro de Información ás Mulleres) da Coruña, pertencente ao noso departamento, no edificio ubicado na rúa Hortensias s/n do Barrio das Flores. Era esta unha demanda histórica dos sectores sociais máis vencellados e preocupados pola situación de desamparo na que moitas veces se atopan as mulleres vítimas de violencia e os seus fillos ou fillas.

Os cambios na cartelería exterior e a continuada entrada de persoas traendo e levando mobiliario e equipamentos espertou xa a curiosidade das veciñas e veciños do barrio. Estamos seguros de que as actividades que alí se desenvolvan servirán como un grande activo social en toda esa área urbana da Coruña.

Entrada lateral ubicada na contrafachada oeste do Centro.

Así, entre este novo Centro, sumado ao CIM do Barrio das Flores, ao Centro Cívico e Social de Mesoiro, onde contaremos cunha importante liña de xestión, e á futura Casa das Mulleres, que se ubicará no Parque do Observatorio, quedará perfectamente conformada unha rede de centros ao servizo das políticas de Igualdade e Participación Cidadá.

Sobre as actividades que desenvolveremos no Birloque, así como en Novomesoiro, e sobre a futura Casa das Mulleres, falaremos en próximos días.

Un dos despachos dos que dispón o Centro.

Lugar onde se ubicará o servizo de Consexería.

Panorámica do Salós de Actos e Actividades.

Outra vista deste espazo, aínda pendente dalgunhas melloras.

Continúan os obradoiros da Concellaría de Igualdade nos centros cívicos arredor do Día Internacional das Mulleres

2010-03-10T14:05:00.000+01:00

 DESTACA A ACTIVIDADE ‘MULLERES, PORTADORAS DE CULTURA’ CO QUE SE AMOSA A REALIDADE CULTURAL TRASMITIDA POLAS MULLERES

A Coruña, 10 de marzo de 2010.- Ao longo desta semana a Concellaría de Igualdade e Participación Cidadá que dirixe a nacionalista Margarida Vázquez continuará celebrándo en diferentes Centros Cívicos Municipais as actividades relacionadas coa conmemoración do 8 de marzo, Día Internacional das Mulleres, destacando entre elas o obradoiro “Mulleres, portadoras de cultura’, xa desenvolto cunha salientable participación nos Centros de Monte Alto e Monelos e que se desenvolverá nos Centros de Rosales (11 de marzo), Castrillón (11 de marzo), Mallos (10 de marzo) e San Diego 11 de marzo).

Este obradoiro pretende amosar a realidade cultural transmitida polas mulleres, contando para iso cun aliado excepcional: a exposición “Mulleres, espello de culturas” que se pode visitar no Kiosco Alfonso ata o 4 de abril. Trátase dunha viaxe etnográfica e emotiva a través duna fragmentos de vida que nos permiten abordar temas universais e compartidos por todas as mulleres do mundo. Os tres grandes eixos desta exposición son familia, sociedade e divinidade. O propio obradoiro inclúe unha visita guiada a esta interesante exposición ofrecida pola Fundación “La Caixa” en colaboración coa Concellaría de Cultura do Concello da Coruña.

Durante a vindeira semana continuará desenvolvéndose o obradoiro “Mulleres, portadoras de cultura” nos Centros de Labañou (16 e 18 de marzo), Mallos (24 de marzo), Artesanos (18 e 25 de marzo) e Pescadores (17 e 18 de marzo).

Todas as persoas interesadas en participar neste obradoiro deberán dirixirse ao seu Centro Cívico de referencia onde serán informadas do horario e data dispoñibles.

As presas de Teixeiro tamén celebraron o Día internacional das mulleres

2010-03-10T09:37:00.000+01:00

Segundo a imformación recollida hoxe polo diario Opinión de A Coruña, onte, 9 de marzo, celebrouse o Día internacional da mulleres no cárcere de Teixeiro nun acto organizado pola asociación Nosotras Intramuros, grupo de mulleres presas que participara na segunda edición do Festival arte+parte celebrado a finais de outubro de 2009, como podedes ver AQUÍ, AQUÍ e AQUÍ.

As nosas amigas seguen dando qué falar, polo que vemos. Noraboa!!!!!!

Artigo da Opinión de A Coruña

Blog da asociación Nosotras Intramuros

Recepción oficial do Concello da Coruña en conmemoración do centenario da declaración do Día internacional das mulleres

2010-03-07T11:52:00.000+01:00

Aquí quédavos a "foto de familia" da recepción que se celebrou onte, na sede da Fundación Luís Seoane da Coruña, ofrecida a cen mulleres coruñesas procedentes dos diferentes Centros Cívicos Municipais, así como representantes de entidades sociais diversas e mesmo dúas das nosas canguras municipais que traballan no Espazo de atención á infancia do Centro Cívico de Monte Alto.

En primeiro término, o Alcalde da Coruña, o señor Javier Losada, a Concelleira de Igualdade e Participación Cidadá, Margarida Vázquez, xunto a outros membros do goberno municipal, directoras de Centros Cívicos, usuarias e convidadas en xeral.

Unha máis que significativa representación de mulleres anónimas que fan que cada día se avance cara a unha igualdade real entre homes e mulleres.

Presentada a programación de actos do Concello da Coruña para conmemorar o 8 de marzo

2010-03-02T17:31:00.001+01:00

A Concelleira de Igualdade e Participación Cidadá, Margarida Vázquez Veras, presentou a programación de actos do Concello da Coruña para a conmemoración do 8 de marzo, día internacional das mulleres.

A partir do lema VISIBILIDADE, onde se reivindican os traballos e as profesións menos valoradas, eque ocupan tradicionalmente as mulleres, preséntase un completo programa que incúe desde exposicións artísticas como a de MulleresxMulleres, que se pode visitar na Casa da Cultura Salvador de Madariaga, cunha montaxe espectacular, ou de interese antropolóxico como Mulleres, espello de culturas, visitable no Kiosco Alfonso.

Os dous actos centrais arredor da celebración do día internacional das mulleres consistirán nunha recepción oficial a cen mulleres da Coruña de todas as idades, desde un a cen anos, para conmemorar o centenario desta declaración, e que se celebrará na Fundación Luís Seoane o sábado 6 de marzo ás 12:00 horas. Por outra banda, o propio 8 de marzo, na Sala de exposicións do Palacio Municipal de María Pita, ás 19:30 horas, inaugurarase a exposición VISIBILIDADE, acto central das actividades organizadas pola Concellaría de Igualdade e Participación Cidadá. A partir da serie de fotos "Resetea: cambia o teu rol", que se puideran visionar durante a celebración da segunda edición do festival arte+parte, cunha presentación espectacular, e acompañadas duns textos relacionados co eixo central desta conmemoración, como é meditar sobre a corresponsabilidade e a invisibilidade de moitas ocupacións e traballos que realizan, maioritariamente, as mulleres.

A fin de promocionar e divulgar os contidos desta exposición, a Concellaría distribuirá 10.000 postais -5.000 coa imaxe de Fran, ex-xogador do Deportivo e 5.000 con Pili Neira, ex-xogadora do Karbo, cinco veces campiona de España e seleccionadora galega de fútbol, que está acompañada na imaxe por varias xogadoras da selección- a través dun encarte na guía GO. Esta distribución desenvolverase tanto no Concello da Coruña como por concellos da área metropolitana. Esta guía distribúese, principalmente, en locais de hostelaría, hoteis, etc, de varias capitais do Estado. Polo especial interese desta exposición, as persoas responsables desta publicación decidiron incluíla na sección adicada a resaltar e difundir as principais actividades culturais que se desenvolverán no mes de marzo no conxunto do Estado.

Por outra banda, tal e como esta Concellaría vén desenvolvendo nos últimos anos, darase moita importancia aos obradoiros a desenvolver nos diferentes Centros Cívicos baixo o título de "Mulleres, portadoras de culturas", relacionados coa exposición do Kiosco Alfonso.

A principal novidade a respecto dos obradoiros é a inclusión da rede de Espazos de Atención á Infancia do Servizo de Canguros co desenvolvemento do obradoiro "Todas e todos traballando de igual a igual", dirixido aos máis cativos, e que se desenvolverá nestes espazos o propio 8 de marzo.

Un día especial será a celebración no Teatro Rosalía de Castro da Gala-Homenaxe a María Luz Morales Godoy, coruñesa e primeira muller en España en dirixir un xornal. No seu caso foi "La Vanguardia" de Barcelona, en plena guerra civil.

Durante esta Gala visionarase por vez primeira o documental realizado por Óscar Losada "María Luz Morales: a gran señora da prensa", contándose para amenizar este acto coa actuación do grupo LULAVAI: catro mulleres harpistas e cantantes que darán o seu toque singular a este evento. A cita será o 26 de marzo, ás 20:30 horas, no Teatro Rosalía. A entrada será de balde ata esgotar localidades.

Tamén sinalou Margarida Vázquez a continuidade dos ciclos anuais sobre "Dereitos básicos e educación en valores na infancia". O 12 de marzo, de 17:30 a 20:00 sobre "Dereito de familia", e o 26 de marzo, de 17:30 a 20:00 sobre "Corresponsabilidade familiar. Saberes esenciais para convivir". Ámbolos dous a celebrar no Centro de Información ás Mulleres da rúa hortensias, s/n, teléfono 981 184 356.

2010-02-26T13:29:00.000+01:00

FOTO DE ESQUERDA A DEREITA: Soledad Pite, Emilia Salgueiro; Cruz Pérez Rubido, Margarida Vázquez, Yolanda Ferrer, Julia Ares, Dorda, Jose Luis Rey, Fina Mantiñan, Josefina Cerviño, Carmen Senande, Anne Heyvaert , Maria Xose Bravo, Soledad Penalta, Luisa Valdes e Aurichu.

Onte inaugurouse a esposición MulleresxMulleres, exposición colectiva que conta coas pezas que dezasete artistas realizaron para lembrar e recuperar a memoria doutras tantas mulleres protagonistas da nosa historia. Estará ata o 25 de marzo na Casa da Cultura Salvador de Madariaga. Esta exposición organizouse pola Concellaría de Cultura atendendo á próxima celebración do 8 de marzo, día internacional das mulleres. Para tal fin, a presentación contou coa presenza de María Xosé Bravo, responsable de cultura do Concello da Coruña, e Margarida Vázquez Veras, responsable do departamento de Igualdade e Participación Cidadá. Por parte de Servizos Sociais, destacar a asistencia de Silvia Longueira.

Temos que destacar o impresionante traballo de Jose Luis Rey en canto ao deseño desta exposición, destacando o uso duns veos que acotan os espazos independentes de cada obra mais permiten, a un tempo, integralas unhas coas outras. Este será tamén o responsable do deseño da exposición "Visibilidade", organizada pola Concellaría de Igualdade e Participación Cidadá, que se inaugurará o próximo 8 de marzo ás 19:30 horas na sala de exposicións de María Pita. Estamos xa impacientes!!!!!

Deixámosvos aquí unhas fotos do acto inaugural que vivimos onte.